இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்

All Books Filter

View Allஅறிவியல் தொழில்நுட்பம்பொதுவாழ்க்கை வரலாறுமலர்ஆன்மிகம்பொது அறிவு தகவல் களஞ்சியம்தன்னம்பிக்கை சுயமுன்னேற்றம்இல்லறம்மருத்துவம்அரசியல் கட்டுரைகள்இலக்கியம்வரலாறுசமையல்தொழில் வழிகாட்டிவிவசாயம்சினிமா

இந்து தமிழ் இயர்புக் 2022

ஐ.ஏ.எஸ்., டி.என்.பி.எஸ்.சி. போட்டித் தேர்வுகளுக்குத் தயாராகும் மாணவர்களுக்குக் கைகொடுக்கும் புத்தகம் இது. தமிழகத்தின் பல்வேறு துறைகளைச் சேர்ந்த முன்னணிக் கட்டுரையாளர்களும் தேர்ந்த ஆசிரியர்களும் இந்தப் புத்தகத்தில் பங்களித்துள்ளனர். போட்டித் தேர்வாளர்களுக்கு மட்டுமல்லாமல் பொது அறிவை வளர்த்துக்கொள்ள விரும்புபவர்கள், விநாடி-வினா போட்டிகளில் பங்கேற்பவர்கள், உலக நிகழ்வுகளை விரல்நுனியில் வைத்திருக்க விரும்பும் அனைவருக்கும் இந்த நூல் பயன்தரும். பாரம்பரியமிக்க ‘தி இந்து’ குழுமத்தின் இளைய வாரிசான ’இந்து தமிழ்’ நாளிதழின் ஆசிரியர் குழுவின் ஆக்கத்தில் உருவாகியுள்ள மற்றுமொரு பெருமைக்குரிய படைப்பு ‘இந்து தமிழ் இயர்புக் 2022’.

₹ 220.00 ₹ 275.00 Save ₹ 55

இயர்புக் காம்போ ஆஃபர் - 2021 + 2022 (தாபால் செலவு தனி)

₹ 399.00 ₹ 525.00 Save ₹ 126

மாபெரும் தமிழ்க் கனவு

தமிழ்நாடு கண்ட மகத்தான அரசியல் ஆளுமையான பேரறிஞர் அண்ணாவின் வரலாற்றை அடுத்தடுத்த தலைமுறைகளுக்குக் கொண்டு செல்லும் முயற்சி...

₹ 500.00

தெற்கிலிருந்து ஒரு சூரியன்!

திராவிட இயக்கத்தின் நூற்றாண்டு, அடுத்து திராவிடக் கட்சிகள் ஆட்சியின் அரை நூற்றாண்டு, தொடர்ந்து தமிழ்நாட்டின் முதுபெரும் அரசியல் தலைவர் மு.கருணாநிதியின் சட்ட மன்றப் பணியின் அறுபதாண்டு...

₹ 300.00

இந்து தமிழ் இயர்புக் 2021

₹ 250.00

பேசும் படம்

ஒரு தலைமுறையின் வாழ்க்கை முறையை, அடுத்த தலைமுறையினர் அறிந்து கொள்ள புகைப்படங்கள் உதவுகின்றன. புகைப்படம் என்பது வெறும் ரசனையோடு மட்டும் நின்றுவிடாமல், ஒரு வரலாற்றுக் குறிப்பாகவும் பதிவு செய்யப்படுகிறது. புகைப்படங்கள், அறிவியல் வளர்ச்சிக்கு மிகப் பெரிய பங்கு வகிக்கின்றன. நமது இல்லத்தில் நடைபெற்ற ஒரு விழாவை பல ஆண்டுகள் கழித்து மீண்டும் பார்த்து மகிழ்வதற்கு, நமக்கு பெரிதும் உதவுவது புகைப்படங்களே. பல மறக்க முடியாத காலகட்டங்களான குழந்தைப் பருவம், வாலிபப் பருவம், திருமணம் போன்றவற்றை நினைவுகூர வைப்பது புகைப்படங்களே. வரலாற்று நிகழ்வுகள், இன்பம், துன்பம், பொதுக் கூட்டம், தலைவர்கள், விளையாட்டு, அறிவியல் கண்டுபிடிப்புகள் என அனைத்தையும் நம் கண் முன்னே கொண்டுவந்து காட்டுவது புகைப்படங்களே. நமது முன்னோரின் புகைப்படங்களைப் பார்த்து, அவர்கள் எப்படி இருந்தார்கள், எப்படி வாழ்ந்தார்கள் என்பதையும் அறிய முடிகிறது.

₹ 160.00

உட்பொருள் அறிவோம்

மனிதப் பிரக்ஞையின் தோற்றம், அதன் வளர்ச்சி நிலைகளின் தடையங்களை நமது சமயம், வழிபாடுகள், புராணங்களின் வழியாகப் பரிசீலிக்கிறார் சிந்து குமாரன். வெறும் நம்பிக்கைகளாக, பழங்கதையாக இல்லாமல் நமது ஆழ்மனம் செயல்படும் தளங்களை புராணங்கள் எப்படிப் பிரதிபலிக்கின்றன என்பதையும் நமக்கு எளிமையாகக் காட்டிய தொடர் இது.

₹ 200.00

சித்திரை மலர் - 2021

கொண்டாட்டம் பகுதி: ‘மதுரை சித்திரைத் திருவிழா’ குறித்த சித்திரம்; அந்தக் கால விடுமுறைகளை குழந்தைகள் எப்படிக் கழித்தார்கள் என்பது குறித்து அனுபவம். ஆன்மிகப் பகுதி: திருப்பதி வேங்கடாசலபதி, ஏரி காத்த ராமர் கோயில், சிங்கப்பெருமாள் கோயில் என ராமரின் பல்வேறு அவதாரங்கள் சார்ந்த கோயில்கள் குறித்த கட்டுரைகள், பத்து சித்தர்கள் குறித்த பதிவுகள். சினிமா பகுதி: நகைச்சுவை திரைக்கலைஞர்கள் வடிவேலு, சூரி, ‘யோகி’ பாபு, ‘போண்டா’ மணி குறித்த தனித் தனிக் கட்டுரைகள்; ‘நாம் இருவர்’ டி.ஏ. ஜெயலட்சுமி தொடங்கி எம்.என். ராஜம், வாணிஸ்ரீ, ராஜசுலோச்சனா, விஜயகுமாரி, விஜயலலிதா வரை அந்தக் கால நாயகிகள் குறித்த அரிய தகவல்கள் அடங்கிய கட்டுரைகள். பயணம் பகுதி: சிறந்த பயண எழுத்தாளர்களின் படைப்புகள் குறித்த விரிவான கட்டுரை; கடற்கரையோர சுற்றுலாத் தலங்கள் பழவேற்காடு, பிச்சாவரம், சோழமண்டலக் கடற்கரையோரக் கோட்டைகள் குறித்த கட்டுரைகள். நாகஸ்வர மேதை காருக்குறிச்சி அருணாசலம் நூற்றாண்டு: என்.ஏ.எஸ். சிவகுமார், இசை அறிஞர் நா. நம்மது, கரிசல் எழுத்தாளர்கள் கி. ராஜநாராயணன், கு. அழகிரிசாமி, காருக்குறிச்சியாரின் மகள் சுப்புலட்சுமியின் ஆகியோரின் கட்டுரைகள். ஒளிப்படக் கட்டுரைகள்: கோயம்பேடு காய்கறிச் சந்தை: கரோனா கால மனிதர்கள்; கரோனா காலக் குடும்பங்கள்; பழவேற்காடு மீன்பிடித்தல்.

₹ 84.00 ₹ 120.00 Save ₹ 36

கொங்கு தேன்

திரைப்பட நடிகர் என்பதைத் தாண்டி சிவகுமார் எந்த ஒரு விஷயத்தையும் சுலபமாக எழுத்தில் கொண்டுவர நினைக்க மாட்டார். கொண்டு வந்துவிட்டார் என்றால் அது நேர்த்தியாக இருக்க வேண்டும் என்று நினைப்பார். ‘சிவகுமார் ஏன் எல்லோருக்கும் இனிய மனிதராக இருக்கிறார்?’ என்பதற்குப் பல காரணங்கள் உள்ளன. இந்த எழுத்துகளைப் படிக்கிற ஒவ்வொருவருக்கும், அந்தக் காரணங்கள் ஒவ்வொன்றாகப் புரியும். குறிப்பாக அவர் நினைவாற்றல், நன்றியுணர்வு, பிறந்த இடத்தை மறக்காமல் இருக்கிற தன்மை, சொந்த பந்தங்கள், நட்புகள் மீது வைத்திருக்கும் அன்பு-பாசம்-நேசிப்பு. இப்படி எல்லா விஷயங்களும் அதில் பயணிக்கும். நீங்களும் பயணிப்பீர்கள். அவருடன் சேர்ந்து இந்த கொங்கு தேன் என்ற நூலைக் கொண்டு வருவதில் நாங்கள் பெருமகிழ்ச்சியடைகிறோம்.

₹ 225.00

இந்திய வழி

வெளியுறவுத் துறை அமைச்சர் எஸ்.ஜெய்சங்கரின் இந்த நூலைத் தேர்ந்தெடுத்ததற்கு இரண்டு முக்கிய காரணங்கள் உண்டு. உள்துறை, நிதித்துறை, ரயில்வே துறை, தொழில்துறை அளவுக்கு வெளியுறவுத் துறை குறித்து ஊடகங்களிலும் பொது வெளிகளிலும் அதிகம் விவாதிக்கப்படுவதில்லை. அந்தத் துறைக்கென்று அமைச்சர் நியமிக்கப்பட்டாலும் பிரதமரே அதன் மூல விசையாகக் கருதப்படுவதால் அவருடைய ஆளுமையைப் பொறுத்து வெளியுறவு அமைகிறது என்றே பொதுப்புத்தியில் உறைந்துள்ளது. அப்படியல்ல, நம்முடைய வரலாறு, கலாச்சார, அடிப்படையிலும் பொருளாதாரத் தேவைகள் அடிப்படையிலும் ராணுவ நோக்கிலும் உறவுகள் எப்படி உருப்பெறுகின்றன என்று இந்நூலில் விவரித்திருக்கிறார் நூலாசிரியர் எஸ்.ஜெய்சங்கர். வெளியுறவுத் துறை தொடர்பான மிக கனமான செய்திகளையும் எண்ணங்களையும் எடுத்துச் சொல்லும் இந்த நூல், ஒரு திருக்குறளைத் துவக்கமாகக் கொண்டு அமைந்திருப்பது தமிழர்களுக்குப் பெருமை தரக்கூடிய ஒன்று. அந்நிய நாடுகளுடனான ராஜதந்திரத்தோடு தொடர்புடைய ‘தூது’க்காக தனியே ஒரு அதிகாரத்தையே ஒதுக்கியிருப்பது வள்ளுவரின் மாண்புக்கு மற்றுமொரு சான்று. வெளியுறவுத் துறை அமைச்சர் ஜெய்சங்கர், இந்த நூலின் வாயிலாகவும் அதைச் செவ்வனே செய்திருப்பதை வாசகர்கள் நிச்சயம் உணர்வார்கள்.

₹ 350.00

வண்ணங்கள் ஏழு

வண்ணங்கள் ஏழு என்று வகைப்படுத்தினாலும் இவற்றுக்கு இடையே எழாயிரம் வண்ணங்களின் கலவை இருக்கத்தான் செய்கிறது. அதைப்போலத்தான் ஆண், பெண் என்று இருபாலரை மட்டும் நாம் பெரும்பான்மை பாலினங்களாக சொல்லிக்கொண்டாலும் இடைப்பட்ட பாலினங்கள் பல உண்டு. இவர்களைப் ‘பால் புதுமையர்’ என்று அறிவியல் வரையறுத்தாலும், பொது சமூகத்தைப் பொறுத்தவரை அவர்கள் ‘புரியாத புதிர்’. நம் மனத்தை ஆட்கொண்டிருக்கும் அந்தப் புதிரை அவிழ்க்கும் முயற்சிதான் வா.ரவிக்குமாரின் இந்த படைப்பு. மாற்றுப்பாலினத்தவர் குறித்து ‘இந்து தமிழ் திசை’ நாளிதழின் ஞாயிறு இணைப்பான ‘பெண் இன்று’வில் வெளியான கட்டுரைகள் இந்த நூலில் இடம்பெற்றிருக்கின்றன. பால் புதுமையர் குறித்து நம் மனங்களில் அப்பிக்கிடக்கிற கற்பிதத்தைக் களைவதுதான் இந்தக் கட்டுரைகளின் நோக்கம். நம் அனைவரையும் போன்றதுதான் பால் புதுமையரின் வாழ்க்கை. அவர்களுக்கும் நம்மைப் போலவே குடும்பம், ஆசைகள், கனவுகள் என எல்லாமும் உண்டு. ஹார்மோன்களில் ஏற்படுகிற மாற்றத்துக்கு அவர்களை எப்படிக் குற்றவாளியாக்க முடியும்? ஆனால், அதைத்தான் நாம் செய்துகொண்டிருக்கிறோம். அவர்கள் ஏதோ செய்யக் கூடாத தவறைச் செய்துவிட்டதைப் போல, அவர்களைப் புறக்கணிக்கிறோம். பெரும்பாலான குடும்பங்கள் அவர்களைக் கைவிடுகின்றன. சமூகத்திலிருந்து ஒதுக்கிவைத்தலும் புறக்கணிப்புமே பால் புதுமையரின் வாழ்க்கையில் பெரும் பாதிப்பை ஏற்படுத்திவிடுகின்றன.

₹ 200.00

சில தருணங்களும் சில நிகழ்வுகளும்

நம் எல்லோரது நினைவிலும் ஆயிரமாயிரம் ஜன்னல்கள் கொண்ட ஞாபக அறைகள் இருக்கும். ஒவ்வொரு ஜன்னலைத் திறந்தால் ஒவ்வொரு கதை இருக்கும். நல்லது கெட்டது, இனிப்பு கசப்பு, நட்பு துரோகம் என்று நினைத்துப்பார்க்கவும் அந்த நினைவுகளில் மூழ்கிக் கடந்த காலத்துக்குச் சென்றுவரவும் அந்தக் கதைகள் கைகொடுக்கும். நம் அனுபவங்கள் முகம் பார்க்கும் கண்ணாடி என்றால் பிறரது அனுபவங்கள் உலகத்தைக் காட்டும் கண்ணாடி. மூத்தோரது அனுபவங்களில் பல நமக்குப் புதிய பாதைகளை அறிமுகப்படுத்தும். குழம்பித் தவிக்கிற மனங்களுக்குத் தெளிவைத் தரும். எண்பது வயதைக் கடந்த இதய நோய் நிபுணர் கல்யாணி நித்யானந்தனின் அனுபவங்களும் அதைத்தான் செய்கின்றன. கரோனா ஊரடங்கு நாட்கள் ஒவ்வொருவருக்கும் ஒவ்வொரு விதமாக அமைய கல்யாணி நித்யானந்தனுக்கோ தன் மனத்தின் அடியாழத்தில் கூழாங்கற்களைப் போலப் பரவிக் கிடக்கும் நினைவுகளை ஒவ்வொன்றாகக் கையில் எடுத்துக் கதைசொல்லும் பேறைத் தந்தன. பரண்மேல் போட்டுவைத்திருந்த பழைய டிரங்க் பெட்டியைத் திறந்து அதற்குள் இருக்கும் ஒவ்வொரு பொருளுக்கும் ஒவ்வொரு கதையைச் சொல்லும் நம் வீட்டுப் பெரியவர்களைப் போல அவ்வளவு அணுக்கமாகச் சம்பவங்களைக் கோத்திருக்கிறார் கல்யாணி. அவரது பால்ய கால நினைவுகள் தொடங்கி, கல்லூரிக் காலம், மருத்துவப் பணி, மறக்க முடியாத மனிதர்கள், வெளிநாட்டுப் பயணம், மருத்துவ ஆலோசனைகள், முதியோர் நலன் என்று வாழ்க்கையின் சகல பரிமாணங்களையும் சுவைபட விவரித்திருக்கிறார்.

₹ 200.00

தீபாவளி மலர் – 2021

தீபாவளிக் கொண்டாட்டம் தீபாவளி குறித்து விநாடி-வினா பாணியில் சுவராசியமான கேள்வி-பதில்களைத் தருகிறார் பிரபல குவிஸ் மாஸ்டர் ஜி.எஸ்.எஸ்; பிரபல கரிசல் பெண் எழுத்தாளர் பாரததேவி எழுதிய தீபாவளி குறித்த மண் மணம் கமழும் அனுபவக் கதை; பிரபல இதயவியல் மருத்துவரும் எழுத்தாளருமான கல்யாணி நித்யானந்தன் தீபாவளி குறித்த மலரும் நினைவுகளை அசைபோடுகிறார். ஆன்மிகம் தீபாவளிக்கும் சமணத் தீர்த்தங்கரர் மகாவீரருக்கும் இடையிலான ஆழ்ந்த தொடர்பு, போற்றப்படும் சைவ இலக்கியமான திருமந்திரத்தைப் படைத்த திருமூலர், கிருஷ்ணர்-ராதைக்கான அபூர்வக் கோவிலான நிதிவன், கிருஷ்ணர் மீது பக்தி கொண்ட பக்த மீரா, சர்வ மதத்தினரும் வழிபடும் வேளாங்கண்ணி, கடன் குறித்த நபிகளின் வழிகாட்டுதல் உள்ளிட்ட கட்டுரைகள் இடம்பெற்றுள்ளன. பிரபல ஓவியர் கேசவ், கிருஷ்ணா குறித்து தினமும் வரைந்துவரும் கிருஷ்ணா ஃபார் டுடே ஓவியங்களின் தேர்ந்தெடுக்கப்பட்ட தொகுப்பு, நெல்லை கோவில்களில் வரையப்பட்டுள்ள நாயன்மார்களின் வாழ்க்கை வரலாறு போன்ற ஒளிப்படக் கட்டுரைகள் இந்தப் பகுதிக்குக் கூடுதல் அழகு சேர்க்கின்றன. சினிமா தமிழ் சினிமாவில் தற்போது கவனம் பெற்றுவரும் முன்னணி நாயகிகளான ஜோதிகா, த்ரிஷா, சமந்தா, காஜல், ஷ்ரத்தா ஸ்ரீநாத், சாய் பல்லவி, அஞ்சலி, கீர்த்தி சுரேஷ், நயன்தாரா, ஐஸ்வர்யா ராஜேஷ் ஆகியோரைப் பற்றிய விரிவான ஆளுமைக் கட்டுரைகள். திரையுலகில் 50 ஆண்டுகளைக் கடந்துவிட்ட மலையாள சூப்பர் ஸ்டார் மம்முட்டியின் தனித்தன்மை, மம்முட்டியின் மலையாளத் திரையுலகம், மம்முட்டியின் தமிழ்த் திரைப்படங்கள் குறித்து அலசும் தனித்தனிக் கட்டுரைகள். சிறுகதை சமீபத்தில் மறைந்த கரிசல் இலக்கியத்தின் தந்தை கி.ராஜநாராயணனின் புகழ்பெற்ற சிறுகதைகளான கதவு, நாற்காலி, கன்னிமை, கோமதி, கோபல்லபுரத்து மக்கள் ஆகிய சிறுகதைகள். பெண்கள் வரலாற்றில் பெரும் மாற்றங்களை நிகழ்த்திய பெண்களான போராளி அலெக்சாண்டா கொலந்தாய், ஓவியர் பிரீடா காலோ, இளம் எழுத்தாளர் ஆன் பிராங்க், அமைதித் தூதுவர் சடாகோ சசாகி ஆகியோரைப் பற்றிய கட்டுரைகள். ஒலிம்பிக் ஒலிம்பிக்கில் அடுத்தடுத்து இரண்டு பதக்கங்களை வென்ற பாட்மிண்டன் வீராங்கனை பி.வி. சிந்து, ஒலிம்பிக் வாள்வீச்சுப் போட்டியில் முதன்முறையாக இந்தியா சார்பில் பங்கேற்ற தமிழக வீராங்கனை பவானிதேவி, ஒலிம்பிக் வரலாற்றில் நிகழ்ந்த சுவாரசிய சம்பவங்கள். வாழ்வு இனிது பெரும் மற்றங்களை ஏற்படுத்திய முன்னாள் ஐ.ஏ.எஸ். அதிகாரி ஷீலா ராணி சுங்கத்தின் விரிவான பேட்டி; பிரபல தமிழ் எழுத்தாளர்கள் ச. தமிழ்ச்செல்வன், எஸ். ராஜகுமாரன் மாத்தளை சோமு, அமிர்தம் சூர்யா ஆகியோரின் சிறப்புக் கட்டுரைகள்; பிரபல எழுத்தாளர் யூமா.வாசுகியின் குழந்தைகள் கதை உள்ளிட்டவை இந்த தீபாவளி மலரில் இடம்பெற்றுள்ளன.

₹ 89.00 ₹ 125.00 Save ₹ 36

இனையச் சிறையின் பணயக் கைதிகள்

தற்போது கிடைக்கும் தரம் உயர்த்தப்பட்ட ஸ்மார்ட்போன்களின் வரவு இணையத்தை அணுகுவதை இன்னும் எளிமையாக்கி விட்டது என்றே கூறலாம். மனிதனும் கணினியும் தொடர்பு கொள்ளும் விதத்தில் மனித மனம் அதற்கு எப்படி எதிர்வினையாற்றுகிறது என்பதைப் பற்றியும், அதன் நன்மை தீமைகள் என்ன என்பதைப் பற்றியும் விளக்குவது தான் ‘சைபர் சைக்காலஜி' என்ற பிரிவு. உளவியலின் இப்பிரிவு சற்றே கடினமானதாகவும் புதுமையானதாகவும் இருந்தாலும் எளிதில் விளங்கும்படியாக எழுதியுள்ளார் மருத்துவர் மோகன வெங்கடாசலபதி. கைப்பேசிப் பயன்பாட்டிலும், அதன் மூலம் சமூக வலைதளங்களை அணுகுவதிலும் இத்தனை விஷயங்கள் உள்ளனவா என்று நம்மை வியப்பில் ஆழ்த்துகின்றன இந்த நூலின் அத்தியாங்கள்.

₹ 160.00

சித்திரச் சோலை

‘சித்திரச் சோலை’ நூலைப் படிக்கும்போது ஒரு பன்முகக் கலைஞரின் வாழ்வு எப்படி ரத்தமும் சதையுமாக வார்த்தெடுக்கப்பட்டுள்ளது என்பதை அறிந்து ஆச்சரியப்பட்டுப் போவீர்கள். ஓவியர், நடிகர் என்ற இரு அம்சங்களில், இரு வேறு கோணங்களில் தன் ஒட்டுமொத்த அனுபவங்களையும் ‘சித்திரச் சோலை’யில் சிவகுமார் அவர்கள் வடித்துள்ளார். மிகச்சிறந்த மனிதராக, மார்கண்டேயராக அவர் திகழ்வதன் சூட்சுமம் அவரது சொல்லும், செயலும் ஒன்றாக இருப்பதும்... அளவிட்டு அறிய முடியாத ஒரு கலை உணர்வு எப்போதும் அவரை உயிர்ப்புடனும் விழிப்புடனும் வைத்திருப்பதும்தான் என்பதை இந்நூலின் மூலம் புரிந்துகொள்ளலாம்.

₹ 285.00

அகத்தைத் தேடி

அஷ்டாவக்கிரர், அரிஸ்டாட்டில் காலத்திலிருந்து சத்தியம் என்பது வெளிப்படையாகவே உள்ளது. அதைப் புரிந்துகொள்வதற்கான திராணிதான் அனைவருக்கும் இல்லை. திறந்துகிடக்கும் உண்மையைப் பார்ப்பதற்கான எதிர்கொள்வதற்கான திராணி இல்லாத இடத்தில் தான் உண்மைக்குத் திரைபோடப்பட்டு பூசைகளும் புனஷ்காரங்களும் தொடங்குகின்றன. அனுஷ்டானங்களும் மடத்தனங்களும் நியமங்களும் மனிதனைப் பிரித்து வகுக்கும் பாகுபாடுகளும் தொடங்குகின்றன. நன்மை, தீமை, கருத்தியல், விருப்பு வெறுப்புகள், ஆசைகள், அச்சங்களால் மனிதர்களும் சமூகங்களும் தேசங்களும் தங்களுக்குள் போரிட்டு மாயும் காலத்தில் மனிதர்கள் நேசிக்க மறந்துவிட்ட சூழலில் தஞ்சாவூர்க்கவிராயர், நம்மையும் உள்ளடக்கிய இந்த உலகத்தை, சக உயிர்களை, இயற்கையை, மனிதர்களை, புலப்படுவதை புலப்படாத தை அணுகுவதற்கும் புரிந்துகொள்வதற்கும் தந்திருக்கும் சாவி ‘அகத்தைத் தேடி’.

₹ 200.00

சைகோமெட்ரிக் தேர்வுகள்

பள்ளியிலும் கல்லூரியிலும் சிறப்பாகப் படித்து நல்ல மதிப்பெண்களைக் குவிக்கும் மாணவர்கள் அனைவராலும் நல்ல வேலைவாய்ப்பைப் பெற முடிவதில்லை. இதற்கு பல காரணங்கள் இருப்பினும் 21-ம் நூற்றாண்டு திறன்கள் குறித்த புரிதல் இன்னமும் பரவலாகாதது முக்கிய காரணமாக அறியப்படுகிறது. இந்த நூற்றாண்டுக்கென புதிதாக மனிதக்குலத்துக்கு ஆற்றல்கள் தேவைப்படுகிறதா என்றால் நிச்சயம் ஆமாம் என்றுதான் சொல்ல வேண்டும். ஏனெனில் இது தொழிற்புரட்சி 4.0 காலம் என்றழைக்கப்படுகிறது. 19-ம் நூற்றாண்டில் தோன்றிய தொழிற்புரட்சியினால் பலவிதமான இயந்திரங்களுடன் மனிதர்கள் பணியாற்ற வேண்டிய நிலை ஏற்படுத்தியது. அதுவே தொழிற்புரட்சி 4.0 காலமானது இயந்திர மனிதர்களான ரோப்போகளுடனும் உலகின் பல்வேறு நாடுகளில் உள்ள மனிதர்களுடனும் கைகோர்த்து பணியாற்றும் அவசியத்தை உண்டுபண்ணியிருக்கிறது. இங்கு தொழில்நுட்ப திறன்களுக்கு இணையாக முன்பு எப்போதும் இல்லாததைவிடவும் கூடுதலாக மனவியல் திறன்களையும் வளர்த்துக் கொள்ள வேண்டிய தேவை ஏற்பட்டுள்ளது.

₹ 150.00

இனி எல்லாம் நலமே

பதின் பருவம் தொடங்கி, மாதவிடாய் நிற்றல் வரைக்கும் பெண்ணின் அகத்திலும் புறத்திலும் நிகழும் மாற்றங்களை அனைவருக்கும் புரியும் வகையில் எளிய மொழியில் விளக்கியுள்ளார் அமுதா ஹரி. இந்நூலில் இடம்பெற்றுள்ள கட்டுரைகள், ‘இந்து தமிழ் திசை’ நாளிதழின் ஞாயிறு இணைப்பான ‘பெண் இன்று’வில் தொடராக வெளிவந்தன. நேர்த்தியான உள்ளடக்கத்துக்காக அப்போதே வாசகர்களிடம் ஏகோபித்த வரவேற்பையும் பாரட்டையும் பெற்றன. இந்நூல் பெண்களுக்கானது மட்டுமல்ல; மகள், மனைவி, அம்மா எனப் பெண்களோடு பயணிக்கும் ஆண்களும் அவசியம் படித்துத் தெரிந்துகொள்வதற்கானது. பதின் பருவ மகள் ஏன் அடிக்கடி தனிமையை நாடுகிறாள், கருவுற்றிருக்கும் மனைவிக்கு ஏன் எதையும் பிடிப்பதில்லை, குழந்தை பிறந்த பிறகு மனைவியின் எரிச்சல் அதிகரிக்க என்ன காரணம், பேரக் குழந்தைகள் எடுக்கும் வயதில் அம்மாவை ஆட்டிப்படைக்கும் கவலை என்ன என்று நம்மில் பலருக்கும் பல்வேறுவிதமான கேள்விகளும் குழப்பங்களும் எழலாம். அவற்றுக்குப் பதில் சொல்லும் வகையில் அமைந்துள்ளது இந்நூல்.

₹ 200.00

Free Delivery

சித்திரை மலர் - 2022 (சிறப்பு சலுகை – கூரியர் செலவு)

சித்திரை மலர் 2022 தமிழ் ஆண்டுப் பிறப்பின் முதல் மாதமாக இருப்பது மட்டுமில்லாமல் மதுரை அழகர் கோவில் திருவிழா, மீனாட்சி திருக்கல்யாணம், காமன் பண்டிகை ஆகிய விழாக்கள் நடைபெறும் மாதம் சித்திரை. ராமர், சூரிய பகவான், ராமானுஜர் ஆகியோர் அவதரித்த மாதமும்கூட. சித்திரையை சிறப்பிக்கும் வகையில் ஓவியர் வேதாவின் கைவண்ணத்தில் உருவான வண்ணச் சித்திரங்கள் காட்சிப் பயணத்துக்கு நம்மை அழைத்துச் செல்கின்றன. சென்னையில் உள்ள சிறப்புமிக்க மும்மதத் தலங்களின் காட்சி அழகை பாலச்சந்தர், யூசுஃப் மதியாவின் ஓவியங்கள் சிறைப்பிடித்துள்ளன. வேலூர் ஜலகண்டேஸ்வரர் கோவிலில் உள்ள சிற்பக் கலைச் சிறப்புகளை எடுத்துச் சொல்கிறது பேராசிரியர் ஆ.சந்திரசேகரனின் ஒளிப்படங்கள். காரைக்கால் அம்மையார், மங்கையர்க்கரசியார், இசைஞானியார் ஆகிய பெண் நாயன்மார்களின் பெருமைகளை விளக்குகிறது மற்றொரு கட்டுரை. கரோனா வைரஸ் பரவலின்போது தங்கள் ஆளுமைத்திறனால் மக்களையும் நாட்டையும் காப்பாற்றிய பெண் தலைவர்கள் குறித்து ‘மகத்தான மகளிர்’ பகுதிக் கட்டுரை அலசுகிறது. இரண்டாம் உலகப் போரில் நாஸிகளின் வதைமுகாமிலிருந்து தப்பிய ஒன்பது பெண்கள், சிறுமி ஆன் ஃபிராங்க், ஹிரோஷிமா அணுகுண்டு வீச்சைத் தொடர்ந்து அமைதியைப் பரப்பிய சடாகோ சசாகி ஆகிய பெண் ஆளுமைகளைப் பற்றி மற்ற கட்டுரைகள் பேசுகின்றன. கோடைக்காலம் என்பது பயணங்களுக்கான காலம். அந்த வகையில் நீரின் கொண்டாட்டமான ஒகேனக்கல், நிலத்துக்கு வந்த பார்கடலைப் போன்ற தூத் சாகர் அருவி, தென் மாவட்டங்களின் அடையாளமான தேரிக்காடு பற்றிய கட்டுரைகள் அந்தப் பகுதிகளுக்கே நம்மை அழைத்துச்செல்கின்றன. மாணவர்களின் ஒளிப்படங்கள் வழியே அதிகம் வெளிச்சம் படாத வடசென்னை உலகத்தையும், நாட்டின் வடகிழக்குப் பகுதியில் புகழ்பெற்ற நாகா மக்களின் இருவாச்சித் திருவிழா குறித்து ஒளிப்படக் கலைஞர் ஆர். மணிவண்ணனின் காட்சித்தொகுப்பும் கண்ணுக்கு விருந்து. கடந்த நூற்றாண்டில் தமிழின் முதன்மைக் கவிஞர்களில் ஒருவராகத் திகழ்ந்த கவிமணி தேசிகவிநாயகத்தை ஆவணப்படுத்திய ஒளிப்படக் கலைஞர் ஆதிமூலபெருமாளின் படத்தொகுப்பு தனித்தன்மை கொண்டது. எழுத்தாளர் ஆதவன், கி.ராஜநாராயணன், வை. கோவிந்தன், ஆல்பெர் காம்யு, ஃபிரான்ஸ் காஃப்கா உள்ளிட்ட எழுத்தாளர்களின் படைப்புகளின் மீது வெளிச்சம் பாய்ச்சுகின்றன இலக்கியம் பகுதிக் கட்டுரைகள். கடந்த இரண்டு ஆண்டுகளில் மறைந்த தமிழ்த் திரையுலகின் முக்கியப் படைப்பாளிகளான பாடகர் எஸ்.பி. பாலசுப்ரமணியம், நகைச்சுவை நடிகர் விவேக், வசனகர்த்தா கிரேஸி மோகன், இயக்குநர்கள் எஸ்.பி. ஜனநாதன், கே.வி. ஆனந்த் ஆகியோரைக் குறித்த நினைவுகளை மீட்டுகின்றன சினிமா கட்டுரைகள். மகா கலைஞன் சிவாஜியுடன் 70 நாட்கள் உதவி இயக்குநராகப் பணிபுரிந்த எஸ். ராஜகுமாரனின் அனுபவம், தஞ்சாவூர்க் கவிராயர் நடத்திவரும் வழிப்போக்கருக்கான நூலகம், எழுத்தாளர் யூமா வாசுகியின் சிறார் கதை, செல்வ புவியரசனின் கவிதைகள் உள்ளிட்டவை புது வாசிப்பு அனுபவத்தை உறுதிப்படுத்தக்கூடியவை.

₹ 150.00

கரோனாவை வெற்றிகொள்வோம்

கடந்த ஓராண்டில் ‘இந்து தமிழ்’ நாளிதழ் வழியாக மூத்த மருத்துவரும் மருத்துவ எழுத்தாளருமான கு.கணேசன் இந்தப் பணியை சிறப்புற மேற்கொண்டார். தொடர்ச்சியாக எழுதிவந்த அதேநேரம், கரோனா வைரஸ் குறித்து மருத்துவ உலகில் ஏற்பட்ட புதிய புரிதல் பற்றி உடனுக்குடன் தமிழில் விளக்கமாகவும் பரவலாகப் புரியும் வகையிலும் எழுதினார்.

₹ 200.00

Free Delivery

பொங்கல் மலர் – 2022 (சிறப்பு சலுகை – கூரியர் செலவு)

பொங்கல் மலர் 2022 தமிழ்நாட்டின் 10 கால்நடைச் சந்தைகள், பிரபல எழுத்தாளர் சுப்பாராவின் இளவயது மாட்டுப் பொங்கல் அனுபவங்கள், தமிழ்நாட்டின் நெற்களஞ்சியமான தஞ்சையில் உள்ள தேசிய உணவு அருங்காட்சியகத்தின் சிறப்புகள் ஆகியவை பொங்கல் பண்டிகையின் கொண்டாட்டத்தை இரட்டிப்பாக்கக்கூடியவை. ஆன்மிகம் பகுதியில் தமிழக ராமர் கோயில்கள், நிதிவன் கிருஷ்ணர் கோயில், பக்த மீரா பாயின் கதை, வைணவத்தின் அர்த்த பஞ்சகம் எனப் பல்வேறு கட்டுரைகள் இடம்பெற்றுள்ளன. திருநெல்வேலியைச் சேர்ந்த மூத்த ஓவியர் மாலையப்பனின் நாயன்மார் ஓவியங்களின் சிறப்புத் தொகுப்பு இடம்பெற்றுள்ளது. தமிழ் சினிமா இசையில் சாதித்துவரும் யுவன், ஜி.வி.பிரகாஷ், ஜிப்ரன், அனிருத், சந்தோஷ் நாராயணன், ஜஸ்டின் பிரபாகரன் உள்ளிட்ட இளமைத் துடிப்புமிக்க இசையமைப்பாளர்களின் வளர்ச்சி குறித்து சுவாரசியமான கட்டுரைகள் இடம்பெற்றுள்ளன. கோவில்பட்டியைச் சேர்ந்த பிரபல எழுத்தாளர்கள் நாறும்பூநாதன், உதயசங்கர், சாரதி, ஓவியர் மாரீஸ் ஆகியோரின் நட்பு, இலக்கிய ஆர்வம் குறித்து விரிவாகப் பேசுகிறது ஒரு கட்டுரை. எஸ். ராஜகுமாரன், சாளை பஷீர், இ. ஹேமபிரபா ஆகியோரின் மாறுபட்ட சிறுகதைகளும் இடம்பெற்றுள்ளன. பெண் கல்விக்காகப் பாடுபடும் நோபல் அமைதிப் பரிசு பெற்ற பாகிஸ்தான் இளம்பெண் மலாலா தொடங்கி 2020 டோக்கியோ ஒலிம்பிக் போட்டியில் அகதி அணியின் கொடியை கம்பீரமாக ஏந்திச் சென்ற சிரியாவைச் சேர்ந்த யுஸ்ரா மார்தினிவரை உலகின் போக்கை மாற்றிக்கொண்டிருக்கும் 10 இளம்பெண்கள் குறித்து பெருமைமிகு பெண்கள் பகுதியில் தனித்தனி கட்டுரைகள் அலசுகின்றன. ஆந்திரப்பிரதேச அரக்குப் பள்ளத்தாக்குப் பழங்குடிகள், அடையாறு தியசாபிகல் சொசைட்டியின் இயற்கை அம்சங்கள் குறித்த ஒளிப்படத் தொகுப்புகளும், கர்நாடகத்தின் ஆகும்பே மழைக்காட்டுப் பயணம், தூக்கணாங்குருவிகளின் கூடு கட்டும் நுட்பம் குறித்த கட்டுரைகள் பயண ஆர்வத்துக்குத் தீனி போடக்கூடியவை. நூற்றாண்டு காணும் வங்கத் திரைப்பட இயக்குநர் சத்யஜித் ராய் குறித்த கட்டுரை, எழுத்தாளர் யூமா வாசுகியின் அன்பளிப்பு சிறார் கதை ஆகியவையும் கூடுதலாக இடம்பெற்றுள்ளன.

₹ 125.00

அன்றொரு நாள் இதே நிலவில்

நமக்குச் சில பத்தாண்டுகளுக்கு முன்பு வாழ்ந்த மக்களின் வாழ்க்கையை அவர்களின் வாழ்க்கையைப் போன்ற எளிய மொழியில் எழுதியுள்ளார் பாரததேவி. ‘இந்து தமிழ் திசை’ நாளிதழின் ஞாயிறு இணைப்பான ‘பெண் இன்று’வில் வெளியான கட்டுரைகளின் தொகுப்பே இந்நூல். திருமணம், மறுவீடு, மாப்பிள்ளை விருந்து, பிள்ளைப்பேறு, மருத்துவம், திருவிழாக்கள், விவசாயம், உணவு, கட்டுப்பாடுகள் என கிராமத்து வாழ்க்கையின் ஒவ்வோர் அங்கத்தையும் சுவாரசியமாக எழுதியுள்ளார். பெரும்பாலான கட்டுரைகளின் ஆதாரமாகப் பெண்களே இருக்கிறார்கள். காரணம், கிராமத்து வாழ்க்கையில் பெண்களின் பங்களிப்பு இல்லாமல் எதுவுமே நிறைவடைவதில்லை. அவர்களே ஆகச் சிறந்த விவசாயிகளாகவும் உழைப்பாளிகளாகவும் குடும்ப நிர்வாகிகளாகவும் இருக்கிறார்கள். ஆண்களுக்குப் புரிபடாத அறிவும் திறமையும் கைகூடியவர்களாகப் பெண்களே இருக்கிறார்கள் என்பதை பாரததேவியின் கட்டுரைகள் உணர்த்துகின்றன.

₹ 260.00

போர்முனை முதல் தெருமுனை வரை

இரவு பகல் தெரியாது நமக்காக எல்லையில் தேசத்தைக் காக்கும் கவசப் பணியில் இருக்கிறார்கள் நமது ராணுவ வீரர்கள். அவர்களுக்குத் தேவையான பாதுகாப்புக் கவசங்களையும், காலத்துக்கேற்ற தொழில்நுட்ப வசதிகளுடன் எதிரிகளை சமாளிக்கும் நவீன சாதனங்களையும் கட்டமைத்துத் தந்து கொண்டே இருக்கிறது இந்திய அரசின் பாதுகாப்பு ஆராய்ச்சி மற்றும் மேம்பாட்டு நிறுவனம் (டி.ஆர்.டி.ஓ). முன்னாள் குடியரசு தலைவர் ஏ.பி.ஜெ.அப்துல் கலாம் பணியாற்றிய இந்த நிறுவனத்தின் ராணுவ விஞ்ஞானி முனைவர் வி. டில்லிபாபு.

₹ 180.00

ஆயுர்வேதம் = ஆரோக்கியம்

திய மருத்துவ முறைகள் சார்ந்த கவனம் தற்போது அதிகரித்துவருகிறது. இந்த நிலையில், ஒவ்வொரு நோயையும் இந்திய மருத்துவ முறைகள் எப்படிக் கையாளுகின்றன, குணமளிக்கின்றன என்பது குறித்து அறிந்துகொள்ள வாசகர்களிடையே ஆவல் எழுந்தது. ‘இந்து தமிழ்’ நாளிதழ் தொடங்கப்பட்ட காலத்திலிருந்தே சில துறைகளில் கூடுதல் கவனம் செலுத்தி வந்தது. அவற்றில் மருத்துவமும் ஒன்று. மருத்துவத் துறையில் பொதுவாக அலோபதி மருத்துவ முறைக்கே அதிக முக்கியத்துவம் வழங்கப்படும். ‘இந்து தமிழ்’ நாளிதழில் நமது பாரம்பரிய மருத்துவ முறைகளுக்கும் முக்கியத்துவம் வழங்கப்பட்டது. அந்த வகையில் ஒன்றே கால் ஆண்டுக்கு மேல் டாக்டர் எல். மகாதேவன் ‘இந்து தமிழ்’ நாளிதழில் எழுதிவந்தார். இந்து தமிழ் வாசகர்கள் எழுப்பிய பல்வேறு கேள்விகளுக்கு ஆயுர்வேத மருத்துவ முறை சார்ந்து டாக்டர் மகாதேவன் பதில்களை வழங்கி வந்தார்.

₹ 300.00

முதுமையும் சுகமே

முதியவர்களுக்கு ஏற்படும் பல்வேறு உடல்நல, மனநலப் பிரச்சினைகள் என்னென்ன, அவற்றை எப்படிக் கண்டறிவது, அவற்றுக்கு எப்படி சிகிச்சை பெறுவது, எப்படிப் பராமரிப்பது என பல சந்தேகங்கள் எழலாம். இந்தச் சந்தேகங்களுக்கு விடையளிக்கும் வகையில் சேலத்தைச் சேர்ந்த பிரபல மருத்துவர் சி.அசோக், ‘இந்து தமிழ் நலம் வாழ’ இணைப்பிதழில் முதுமையும் சுகமே என்கிற தொடரை எழுதினார். வெளியான காலத்திலேயே நல்ல வரவேற்பைப் பெற்ற இந்தத் தொடர் தற்போது புத்தகமாகியுள்ளது. முதியோர் நல மருத்துவம் என்பது இந்தியாவில் தற்போதுதான் வளர்ந்து வரும் புதிய மருத்துவப் பிரிவு. இதுவரை பொது மருத்துவர்கள், குடும்ப மருத்துவர்களே முதியவர்களுக்கும் சிகிச்சை அளித்து வந்தார்கள். தற்போது அந்த நிலை மாறிவருகிறது. முதியவர்களுக்கு ஏற்படும் பிரச்சினைகளுக்கு மேம்பட்ட வகையில் சிகிச்சை அளிக்க முதியோர்நல மருத்துவம் உதவுகிறது. அதன் அடிப்படைகளை இந்த நூலில் எளிமையாக விளக்கியிருக்கிறார் மருத்துவர் அசோக். முதியோர் நல நூல்கள் தமிழில் மிகக் குறைவாக உள்ள நிலையில், இந்த நூல் முதியோர் நலம் குறித்த தெளிவான ஒரு அறிமுகத்தைத் தரும் என எதிர்பார்க்கிறோம்.

₹ 150.00

உயிர் வளர்க்கும் திருமந்திரம்

திருமந்திரத்தைத் தழுவி, இக்காலத்தவருக்கும் இக்காலம் நம் முன்னர் விடுக்கும் கேள்விகளுக்கும் பதிலாகவும் தீர்வுகளாகவும் இந்நூல் அமையும்

₹ 180.00

உயிர் வளர்க்கும் திருமந்திரம் - Part - II

சமயப் படைப்பு என்ற வரையறையைத் தகர்த்து தனித்துவமான மெய்யியல் நூலாகத் திகழும் திருமந்திரத்தைத் தழுவி, இக்காலத்தவருக்கும் இக்காலம் நம் முன்னர் விடுக்கும் கேள்விகளுக்கும் பதிலாகவும் தீர்வுகளாகவும் இந்நூல் அமையும். யோக முறைகள் துவங்கி துமிகளின் இயற்பியல் (particle physics) வரை எளிமையும் கவித்துவமும் கொண்ட நடையோடு ஆராயும் இந்நூல், பொருள்சார் வாழ்க்கைக்கு அப்பால் கேள்விகளையும் தேடலையும் தொடங்கும் எந்தச் சமயத்தவருக்கும், உண்மையை நோக்கிப் பயணப்பட ஆசைப்படும் எவருக்கும் கைவிளக்காகும். இந்து தமிழ் திசை வெளியீடாக ‘உயிர் வளர்க்கும் திருமந்திரம்’ முதல் பாகம் நூலுக்கு வாசகர்கள் தந்த ஆதரவும் உற்சாகமும் அதிகம். ‘உயிர் வளர்க்கும் திருமந்திரம்’ நூலின் இரண்டாம் பாகம் நூலுக்கும் கிடைக்கும் என்று நம்புகிறோம்.

₹ 225.00

ஆதிச்சநல்லூர் வழக்கு எண் 13096/2017

நூலாசிரியர் முத்தாலங்குறிச்சி காமராசு ஒவ்வொரு வழக்கின்போதும் தாம் கண்டு, கேட்டு, உணர்ந்த அனுபவங்கள் நீதியரசர்களை வேள்விக்குள்ளாழ்த்தி நியாயத்தை வெளிக்கொணரச் செய்கின்றன. இந்நிலையில் இவ்வழக்குக்கு கிடைத்த நீதியரசர்கள் பாராட்டுக்குரியவர்கள். மேலும் இவர்களின் கேள்விக் கணைகளின் வாயிலாக ஆதிச்சநல்லூருடன் கூடிய தமிழகத்தின் தொன்மை பலமுறை உலகின் பார்வைக்கு வைக்கப்பட்டுள்ளது என்ற வரலாறையும் நூலாசிரியர் அழுத்தமாக பதிவு செய்திருக்கிறார்.

₹ 260.00

விண்ணளந்த சிறகு

‘இந்து தமிழ் திசை' நாளிதழின் இணைப்பிதழில் சு.தியடோர் பாஸ்கரன் எழுதிய தொடர் ‘வானகமே இளவெயிலே மரச்செறிவே'. சுற்றுச்சூழல் சார்ந்து பல்வேறு அம்சங்களை இந்தத் தொடரில் அவர் கவனப்படுத்தினார்.அவருடைய தனிக்கட்டுரைகளைப் போலவே, இந்தத் தொடரும் வெளியான காலத்தில் பரவலான கவனத்தைப் பெற்றது. அந்தக் கட்டுரைகள் தற்போது தொகுக்கப்பட்டு நூலாக வெளிவருகிறது. இயற்கை பெருமளவு சீரழிக்கப்பட்டுவரும் நிலையில், சுற்றுச்சூழல் சார்ந்த புரிதலை இந்த நூல் மேம்படுத்தும் என்று நம்புகிறோம்.

₹ 150.00

குறள் இனிது

₹ 225.00

சபாஷ் சாணக்கியா

புத்தாண்டில் குறிப்பாக பொங்கல் பண்டிகையோடு அர்த்தமுள்ள விஷயங்கள் அடங்கிய ‘சபாஷ் சாணக்யா’ புத்தகமும் உங்கள் இல்லங்களில் தவழட்டும். வணிக வீதியின் ஒற்றை வரி முழக்கம் ‘அறிவே செல்வம்’.! அதை நூல் நூலும் நிரூபித்துள்ளது.

₹ 170.00

சபாஷ் சாணக்கியா பாகம்-II

சாணக்கியரின் தந்திரம் அரசியலுக்கு மட்டுமல்ல, அரசியலுக்கு அப்பாற்பட்டு நமது அன்றாட வாழ்விலும் பொருந்தும் என்பது இந்நூல் மூலம் நிரூபிக்கப்பட்டுள்ளது. `சபாஷ் சாணக்கியா’ இரண்டாம் பாகத்தில் இடம்பெற்றுள்ள 51 அத்தியாயங்களும் பொருள் பொதிந்தவை.

₹ 170.00

நலம், நலம் அறிய ஆவல்!

உடல்நிலையில் சிற்சில பிரச்சினைகள் தோன்றலாம். அந்தப் பிரச்சினைகள், மருத்துவ சந்தேகங்களுக்கு எங்கே பதில் கிடைக்கும் என்று தேடுவோம். அப்படிப் பரவலாகவும் பொதுவாகவும் தோன்றும் மருத்துவப் பிரச்சினைகளுக்கு பதில் தரும் புத்தகம் இது. நம் ஆரோக்கியம் காக்கும் இந்த பதில்களை வழங்கியவர் பிரபல மருத்துவரும் மருத்துவ எழுத்தாளருமான டாக்டர் கு. கணேசன்.

₹ 190.00

மூலிகையே மருந்து!

நம் வீடுகளிலும் புல்வெளிப்பகுதிகளிலும் மிகச் சாதாரணமாக வளரக்கூடிய கீழாநெல்லி மஞ்சள் காமாலைக்கான கைகண்ட மருந்து, அதேபோல நம் அஞ்சறைப் பெட்டியில் இருக்கும் பல நறுமணப் பொருட்கள் மருத்துவ குணம் கொண்டவை. இவை அனைத்துமே தாவரங்களை அடிப்படையாகக் கொண்டவை. இதுபோன்ற 50 மூலிகைகளின் மருத்துவ குணங்களையும் பயன்களையும் இந்த நூல் எடுத்துரைக்கிறது.

₹ 150.00

இந்தியா என்றால் என்ன?

டால்ஸ்டாய், காந்தி, தாகூர், ஏங்கெல்ஸ், அக்பர், ஐன்ஸ்டைன், அம்பேத்கர், அமிர் குஸ்ரோ, சாக்ரடீஸ், புரோமிதியஸ், ரொமிலா தாப்பர் என்று இந்தத் தொகுப்பில் இடம்பெற்றுள்ள 25 கட்டுரைகள் உங்களுக்கு விருந்து படைக்கக் காத்திருக்கின்றன. ஒவ்வொரு கட்டுரையையும் மாறுபட்ட கோணத்தில், எளிமையான மொழி நடையில், அழகான சொற்களைக் கோத்து தந்திருப்பதோடு... ஆங்காங்கே நமக்குள் மென்முறுவல் பூக்கும் வகையில் நகைச்சுவையும் தூவித் தந்திருக்கிறார் மருதன்.

₹ 90.00

ஆங்கிலம் அறிவோமே பாகம்-IV

புதிதாக ஆங்கிலத்துக்குள் அடியெடுத்து வைப்பவர்களை மட்டுமல்லாமல் ஏற்கெனவே மொழியில் ஆளுமைப் படைத்தவர்களையும் இத்தொடர் ஈர்த்துவருகிறது. எவ்வளவு கடினமான கருத்தையும் சிரிக்கச் சிரிக்கப் புரியவைக்க முடியும் என்பதைத் தன்னுடைய லாகவமான எழுத்துத் திறமையால் தொடர்ந்து நிரூபித்துக்காட்டுபவர் ஜி.எஸ்.எஸ். ஏற்கெனவே இரண்டு புத்தகங்களாக வெளியிடப்பட்ட இந்தத் தொடரின் அடுத்த பகுதியைத் தற்போது வெளியிடுகிறோம். சிரித்து, ரசித்து படித்தபடியே உங்களுடைய ஆங்கில அறிவை மேருகேற்றக் கைகொடுக்கும் கையேடு இது.

₹ 180.00

அருளே ஆனந்தம்

சாட்சாத் பரமேஸ்வர ஸ்வரூபமாக விளங்கிய மஹா பெரியவாளின் தவ வாழ்க்கையில் நடைபெற்ற சம்பவங்களையும் அவரது அறநெறி உரைக்கும் பொன்மொழிகளையும் உன்னத சிந்தனைகளையும் சிலிர்ப்பூட்டன் உண்மைச் சம்பவங்களுடன் ஆன்மிக உபன்யாசகர் பி.சுவாமிநாதன் எழுதிய கட்டுரைகளை ‘அருளே… ஆனந்தம்’ நூலாக வெளியிடுவதில் பெருமகிழ்ச்சி அடைகிறோம். ஓவியர் ஏ.பி.ஸ்ரீதரின் தத்ரூபமான ஓவியங்களின் தேர்ந்தெடுக்கப்பட்ட தொகுப்பும் இந்த நூலுடன் இடம் பெற்றிருப்பது, பெரியவா பக்தர்களுக்கு கூடுதல் சிலிப்பைத் தரும் என்று உறுதியாக நம்புகிறோம்.

₹ 200.00

கேள்வி நேரம்

மத்திய அரசுப் பணித் தேர்வுகள், மாநில அரசுப் பணித் தேர்வுகள், இதர போட்டித் தேர்வுகளிலும் பொது அறிவுக் கேள்வி-பதில்கள் முக்கிய அம்சமாக இடம்பெற்றுவருகின்றன. இந்த இரு தரப்பினரைத் தாண்டி பொது அறிவுத் தாகம் கொண்டவர்களும் தமிழகத்தில் அதிகம். இவர்கள் அனைவருடைய தேவைகளையும் மனதில்கொண்டு இந்தக் கேள்வி-பதில் நூல் தொகுக்கப்பட்டுள்ளது. பல்வேறு அம்சங்கள் தேடித்தேடிச் சேர்க்கப்பட்டுள்ளன.

₹ 110.00

காயமே இது மெய்யடா

பிரபல உடல்நல எழுத்தாளரான போப்பு உடலைச் சீர்படுத்தும் வழிகளை இந்த நூலில் முன்வைத்திருக்கிறார். நம் மரபில் உள்ள நல்லனவற்றை திரும்ப நமக்கு ஞாபகமூட்டியிருக்கிறார். நம் உடலின் முதன்மை உள் உறுப்புகளான கல்லீரல், இதயம், மண்ணீரல், நுரையீரல், சிறுநீரகம் ஆகியனவற்றின் செயல்பாடுகள், அவற்றை புரிந்துகொள்வது எப்படி, மேம்பட்ட வகையில் பராமரிப்பது எப்படி என்று இந்தப் புத்தகம் விரிவாக விளக்கிச் சொல்கிறது. காயம் என்பது ஒன்றுமற்றதல்ல, ஊனும் உயிரும் சேர்ந்த உடம்பு. அதை முறையாக வளர்க்கவும் பராமரிக்கவும் தேவைப்படும் வழிகள் இந்த நூலில் கூறப்பட்டுள்ளன.

₹ 160.00

நடைவழி நினைவுகள்

தமிழின் முதன்மையான எழுத்தாளர்கள் 16 பேர், கலை சார்ந்த ஆளுமைகளாகவும், அவரவர்களுக்கே உரிய பிரத்யேகக் குணங்களோடும் இந்த நூலில் வெளிப்பட்டுள்ளார்கள். ஒரு வாசகரோடு அந்த ஆளுமைகள் கிட்டத்தட்ட நெருங்கிக் கைகுலுக்கும் அனுபவத்தைக் கொடுக்கும் நூல் இது. தமிழ் நவீன இலக்கிய வரலாற்றை எழுதப்போகும் ஒரு ஆய்வாளருக்கு முன்னோடி நூலும்கூட. தமிழின் முன்னோடிப் படைப்பாளிகளின் புகைப்படங்கள், வாழ்க்கைக் குறிப்புகள் தொகுக்கப்படுவது சமீபகாலம் வரை தமிழ்ச் சமூகத்தில் உணரப்படாத பின்னணியில் ‘நடைவழி நினைவுகள்’ நூல் தமிழில் ஒரு சாதனை.

₹ 175.00

ஆசியாவின் பொறியியல் அதிசயம்!

அட்சய பாத்திரமான அணைகள்! பல்வேறு அணைக்கட்டுத் திட்டங்களை உருவாக்கியிருந்தாலும், கொங்கு மண்ணை செழிக்கச் செய்யும் பரம்பிக்குளம் ஆழியாறு பாசனத் திட்டத்தை `ஆசியாவின் பொறியியல் அதிசயம்' என்று போற்றுகின்றனர். தற்போதுள்ள நவீனத் தொழில்நுட்பங்கள், பிரம்மாண்ட இயந்திரங்கள் என எதுவும் இல்லாத அக்காலகட்டத்தில், பொறியியல் திறமை மற்றும் மனித உழைப்பைப் பிரதானமாகக் கொண்டு உருவாக்கப்பட்டதுதான் பரம்பிக்குளம் ஆழியாறு திட்டம். மொத்தம் 11 அணைகள், மலையைக் குடைந்து உருவாக்கப்பட்ட எட்டு சுரங்கப் பாதைகள், நான்கு நீர் மின் உற்பத்தி நிலையங்கள், 10 கால்வாய்கள், ஏறத்தாழ 50 கிலோமீட்டர் தொலைவுக்குச் செல்லும் சமமட்டக் கால்வாய்கள் என இத்திட்டத்தின் பிரம்மாண்டம் இப்போதும் வியப்பை அளிக்கக் கூடியது. பெரும் பாசனத் திட்டத்தின் வரலாற்றைச் சுமந்திருக்கும் இந்தப் புத்தகத்தை வருங்கால தலைமுறையிடம் கொண்டு சேர்த்து, ஆசியாவின் பொறியியல் அதிசயம் உருவானதன் பின்னணியை விளக்குவதில் பெருமிதம் கொள்கிறோம்.

₹ 100.00

காலத்தின் வாசனை! - தஞ்சாவூர்க் கவிராயர்

தஞ்சாவூர்க் கவிராயரின் கட்டுரைகளைப் படிக்கும்போது பலருக்கும் பெருமூச்சு வரும் என்பதில் சந்தேகமில்லை. இழந்த காலத்தின் மோசமான விஷயங்களைப் பற்றி தஞ்சாவூர்க் கவிராயர் வருத்தப்படுவதில்லை.

₹ 160.00

விழுவது எழுவதற்கே!

பெரிய நிறுவனத்தில் இத்தகைய பிரச்சினைகள் தோன்றியதா என்ற ஆச்சர்யம் மேலோங்கியதோடு, அத்தகைய சூழலை அந்நிறுவன அதிபர்கள் கையாண்டு மீண்ட விதம் நிச்சயம் பிரமிப்பாகத்தான் இருந்தது. 7 இந்திய நிறுவனங்கள், 6 அமெரிக்க நிறுவனங்கள் மட்டுமின்றி தனி நபர்களின் வீழ்ச்சியையும் அதிலிருந்து அவர்கள் மீண்ட விதத்தையும் சற்றும் சுவாரஸ்யம் குறையாமல் அதேசமயம் மிகைப்படுத்தாமல் நூலாசிரியர் எஸ்.எல்.வி.மூர்த்தி எழுதியுள்ளார். தோல்விகள் ஏற்படும்போது நமக்கு மட்டுமே என்று கழிவிரக்கம் தேடாமல், மற்றவர்கள் மீது பழி போடாமல் நிறுவனத்தை தூக்கி நிறுத்திய விதம் நிச்சயம் அனைவருக்குமான வாழ்க்கைப்பாடம். இது தொழில் நிறுவனங்களுக்கு, தொழில் முனைவோருக்கு மட்டுமல்ல தனி நபர்களின் தன்னம்பிக்கையை வளர்த்து முன்னேற வழிவகுக்கும் என்று நிச்சயம் நம்பலாம். வெறும் உதாரணங்களுடன் வெளியான கட்டுரைகளின் தொகுப்பல்ல. உண்மையான நிகழ்வுகளின் தொகுப்பு. இது நிச்சயம் படிப்பவர்களின் மனதில் தாக்கத்தை ஏற்படுத்தும். தன்னம்பிக்கையை வளர்க்கும்.

₹ 175.00

பாதி நீதியும் நீதி பாதியும்

நீதித் துறையே அரசமைப்பின் பாதுகாவலர் என்ற நிலையில் இவ்வகை செயல்பாடுகள் வரவேற்கப்படும் அதேநேரத்தில் சட்டமியற்றும் அவை, நிர்வாகம், நீதி இவற்றுக்கிடையிலான அதிகாரப் பிரிவினைகளின் எல்லைகள் மீறப்படுகிறதா என்ற கேள்விகளும் எழுகின்றன. இச்சிக்கல்களுக்கான தீர்வுகளை சட்ட விதிகளின்படியும் நீதித் துறை மரபுகளின்படியுமே அணுக வேண்டும் என்ற தீர்க்கரீதியான பார்வையொன்றை இந்த நூலில் இடம்பெற்றுள்ள நீதிநாயகம் கே.சந்துருவின் கட்டுரைகள் வழங்குகின்றன. சட்டங்களை விதிகளாகவும் உட்பிரிவுகளாகவும் விவரிக்கும் நிபுணத்துவத்திற்கு மேலாக விரிவான சரித்திரப் பின்னணியோடும் சமூக எதார்த்தத்தோடும் அதைப் பகுத்தாராயும் இக்கட்டுரைகள் சட்டத் துறைக்குக் குறிப்பிடத்தக்க பங்களிப்பு.

₹ 225.00

பாரதியின் பூனைகள்

`பாரதியின் பூனைகள்' ஒவ்வொரு கட்டுரையையும் மாறுபட்ட கோணத்தில், எளிமையான மொழி நடையில், அழகான சொற்களைக் கோத்து தந்திருப்பதோடு... ஆங்காங்கே நமக்குள் மென்முறுவல் பூக்கும் வகையில் நகைச்சுவையும் தூவித் தந்திருக்கிறார் நூலாசிரியர் மருதன். தாகூர், சாவித்ரிபாய் புலே, ஆன் ஃப்ராங்க், கபீர், மொசார்ட், நியூட்டன், ஐன்ஸ்டைன், மாக்சிம் கார்கி, புத்தர், பாரதி, லூயி பிரெயில் என்று மாணவர்களாலும் ஆசிரியர்களாலும் பெரிதும் வரவேற்கப்பட்ட அட்டகாசமான 25 கட்டுரைகள் உங்களுக்கு விருந்து படைக்கக் காத்திருக்கின்றன!

₹ 85.00

புண்ணியம் தேடுவோமே..! பாகம்-II

‘கோபுர தரிசனம் கோடி புண்ணியம்’ என்பதும் ‘குரு பார்க்க கோடி நன்மை’ என்பதும் பெரியோர் வாக்கு. இயற்கையைக் கண்டு அஞ்சிய மனிதன் இயற்கையை வழிபடத் தொடங்கினான். சூரியன், சந்திரன், சிறுதெய்வம், பெண் தெய்வம், மழை, மரம், நீர், விநோத உருவம், பெருந்தெய்வம் என்று அனைத்தையும் வழிபடத் தொடங்கினான். வைணவம், சைவம் முதலிய சமயங்கள் தோன்றிய காலத்தே தெய்வங்களுக்கு கோயில் அமைத்து வழிபட்டனர் நமது முன்னோர். அத்தகைய வழிபாட்டுத் தலங்களைப் பற்றி விரிவாக ‘புண்ணியம் தேடுவோமே..!’ என்ற இந்த நூலில் விளக்கியுள்ளார் முன்னூர் ரமேஷ். விழுப்புரம் மாவட்டம் திண்டிவனம் வட்டத்தைச் சேர்ந்த முன்னூரில் பிறந்த இவர் தற்போது தமிழக அரசின் கூட்டுறவுத் துறையில் பணிபுரிந்து வருகிறார். தமிழகத் திருக்கோயில்களின் வரலாறு மற்றும் கல்வெட்டுகளின் மீதுள்ள ஈடுபாட்டால், பல ஆன்மிகக் கட்டுரைகளை எழுதி வருகிறார்.

₹ 235.00

மருந்தும்.. மகத்துவமும்...!

நம் உடலைப் பற்றிய அக்கறை கொள்வதன் மூலம், நம் வீட்டுக்குள் உணவுப் பழக்க வழக்கத்தில் மாற்றம் செய்வதன் மூலம் பெரும் மாற்றத்தை ஏற்படுத்த முடியும்.

₹ 210.00

மனசு போல வாழ்க்கை 2.0

பள்ளி-கல்லூரி மாணவ, மாணவிகள், மென்பொருள் பொறியாளர்கள், குடும்பத் தலைவிகள், இளம் பெண்கள், முதியோர் என வெவ்வேறு வாழ்க்கைச் சூழலை வயது வரம்பைச் சேர்ந்தவர்கள் தங்கள் மனம் அவர்களுக்கு விடும் சவால்களை, கேள்விக் கணைகளாக மாற்றி அனுப்பி வைத்தனர். ஒவ்வொன்றுக்கும் தனக்கே அனுபவ அறிவோடு டாக்டர் ஆர்.கார்த்திகேயன் பதிலளித்தார். மனம் குறித்த அலசல் கட்டுரைகள் மற்றும் கேள்வி-பதில் பகுதி ஆகியவற்றின் தொகுப்பே இப்புத்தகம். இதனை படிக்கிற வாசகருக்கு தன்னுடைய பயம், பதற்றம், மன அழுத்தம், கோபம், வருத்தம், ஏமாற்றம், குற்றவுணர்வு போன்ற மனம் செய்யும் ஆர்ப்பாட்டங்களை ஆற்றுப்படுத்தும் பக்குவம் வாய்க்கும். தன்னுடைய மனத்தை ஆளத் தெரிந்த எவருக்கும், உலகில் எதிர்கொள்ளௌம் எந்தவொரு சவாலையும் எளிதாக ஆள முடியும். அதற்கு இந்நூல் அழகாக உதவும்!

₹ 110.00

Anbasiriyar

`இந்து தமிழ்' இணையதளத்தில் இந்தத் தொடர் வெளியானபோது, தனித்துவத்தோடு செயல்பட்டு மாணவர்களுக்கு ஊக்கமும், பள்ளிகளுக்குப் பெருமையும் சேர்த்த ஆசிரியர்களுக்கு மேலும் ஊக்கம் தருவதாக அமைந்தது. அன்பும், அறமும் ஆசிரியர் மட்டுமல்ல.. அனைவரும் உணர்ந்து பின்பற்ற வேண்டிய காலடிச் சுவடுகள் என அழுத்தந்திருத்தமாகப் பேசுகிறது இந்நூல். இந்த மண்ணையும் மக்களையும் நேசிக்கும் எவருக்கும் உலகே திரண்டு வந்து உதவும் என்பதையும் உறுதி செய்கிறது இந்த நூல்.

₹ 200.00

சூப்பர் 45 (ரஜினி சிறப்பு மலர்)

ரஜினிகாந்த் எனும் செயல் புயலின் பன்முகப் பயணம்... பிரமிக்க வைக்கும் செய்திகள், புகைப்படங்கள், ஓவியங்களுடன்..! ஒவ்வொரு ரசிகரும் ரசித்துப் பாதுகாக்க... தன் அன்புக்கு உரிய எவருக்கும் பரிசாக அளித்து மகிழ..!

₹ 275.00

Free Delivery

தீபாவளி மலர் (Inclusive Shipping charges)

Flash Sale தீபாவளி மலர் 30% off

₹ 150.00

சொட்டாங்கல்

தமிழ் இலக்கிய உலகில் தனக்கென்று தனித்த அடையாளம் கொண்டவர் தமிழச்சி தங்கபாண்டியன். எப்போதும் மண் வாசமடிக்கும் அவரது எழுத்துகளில், மனித மனங்களை ஈரப்படுத்தும் கருத்துகள் அமர்ந்திருப்பதை தமிழ் வாசகர்கள் நன்கறிவர்.

₹ 100.00

தீபாவளி மலர் 2018

40% OFF + Shipping Charges FREE

₹ 185.00

எமதுள்ளம் சுடர்விடுக

எளிய மனிதர்களுடன் சிக்கலற்ற மொழியில் இலகுவாக பேசுவது போன்று எழுதுபவர் பிரபஞ்சன். அந்த மொழியில் எப்போதும் ஒரு வெளிச்சம் இருக்கும். இருள் படிந்து கிடக்கும் உள்ளங்களைத் திறக்கும் அவ்வெளிச்சத்தை இங்கும் ஏந்தி வருகிறது இப்புத்தகம்.

₹ 180.00

ஆண் நன்று பெண் இனிது

தன்னைக் கவர்ந்த நபர்களைப் பற்றியும், ஆண்-பெண் உறவு பற்றிய புரிதலை உணர்த்தும் விதமாக, தான் அன்றாடம் சந்திக்கும் மனிதர்களைப் பற்றியும் கட்டுரைகளாக நினைவுகூர்கிறார் கவிஞர் சக்திஜோதி.

₹ 150.00

மரணம் ஒரு கலை

‘சரித்திரம் தேர்ச்சி கொள்’ என்றான் முண்டாசு கவி பாரதி. சரித்திரத்தில் என்றும் சாகாமல் வாழும் மனிதர்கள் குறித்து தேர்ச்சி கொள்ள விரும்பும் அனைவரும் வாசிக்க வேண்டிய புத்தகம் இது.

₹ 170.00

காற்றில் கரையாத நினைவுகள்

இறையன்பு அவர்களின் எழுத்துக்கென்று பெரும் வாசகப் பெருவெளி இருப்பதை நாங்கள் அறிவோம். அந்தப் பெருவெளியின் தனிப் பாதையில் அவரது நினைவுகள் வாச்கர்களை நோக்கி இதோ - பறந்து வருகின்றன.

₹ 160.00

சின்ன மனசுக்குள் சீனப்பெருஞ்சுவர்

சோம்பல் ஒரு மனிதனை மட்டுமல்லாமல், அவன் சார்ந்த சூழலையும் சாய்க்கும் பேராற்றல் கொண்டது என்பதையும், அதைவெல்ல தன்னைத் தயார்படுத்திக்கொள்ளும் முனைப்புகளைப் பற்றியும் ஆணித்தரமாகச் சொல்கிறது இந்நூல்.

₹ 190.00

காலமெல்லாம் கண்ணதாசன்

பல தலைமுறைகளைத் தாண்டியும் திரையிசைப் பாடல்களின் வழியே கண்ணதாசன் வாழ்வார் என்பதற்கு இந்த நூலும் சிறு ஆவணமாக அமையும்.

₹ 130.00

பொங்கல் மலர் 2019

₹ 109.00 ₹ 145.00 Save ₹ 36

பொங்கல் மலர் - 2021

பொங்கல் மலர் 2021 ‘தை பிறந்தால் வழி பிறக்கும்’ என்பது மரபார்ந்த நம்பிக்கை. பொங்கல் தரும் மகிழ்ச்சியை மேம்படுத்தும் வகையில் வெளியாகிறது இந்து தமிழ் ‘பொங்கல் மலர் 2021’. கரோனா ஊரடங்கு காரணமாக நம்மில் பெரும்பாலோர் வீட்டிலேயே அடைந்து கிடக்க நேரிட்ட நிலையில், இப்போதுதான் மக்கள் சிறிது சிறிதாகப் பயணங்கள் மேற்கொள்ளத் தொடங்கியிருக்கிறார்கள். இந்தப் பின்னணியில் நாம் சுற்றிப் பார்க்கக்கூடிய, பார்க்க வேண்டிய இடங்கள் குறித்த சித்திரத்தைத் தருகிறது பயணம் பகுதி. தமிழகத்தின் எல்லைக்குள் கேரள பாணியில் அமைந்துள்ள பத்மநாபபுரம் அரண்மனை, கொடைக்கானல் மலைவாசத்தலம் உருவான விதம், கேரளத்தின் முழப்பிழங்காடு ‘டிரைவ் இன்’ கடற்கரை, அதிகம் அறியப்படாத கிழக்குத் தொடர்ச்சி மலைக் காடுகள், புகழ்பெற்ற நாவலாசிரியர் டான் பிரவுனின் பாதையைப் பின்பற்றி மேற்கொள்ளப்பட்ட இத்தாலியப் பயணம், ஆப்பிரிக்கக் காட்டுயிர்கள் குறித்த பதிவுகள் ஆகியவை மனத்துக்குப் புத்துணர்வுமிக்க அனுபவத்தைத் தரும். ஆன்மிகப் பகுதியை சிறப்பிக்கும் வகையில் கண்ணில் ஒற்றிக்கொள்ளக்கூடிய வகையில் மூத்த ஓவியர் ஆவுடையப்பனின் கைவண்ணத்தில் தஞ்சாவூர் ஓவியப் பாணியில் கடவுளர்களின் படங்கள் வரையப்பட்டுள்ளன. அதேபோல் ஓவியர் நரேந்திர பாபு தேர்கள் வடிவில் பல்வேறு பாரம்பரிய ஆன்மிக அம்சங்களை ஓவியங்களாக வடித்துள்ளார். இவற்றுடன் சென்னையின் ஒரு பகுதி முழுக்க அம்மன் சிலைகளால் அலங்கரிக்கப்படும் திருவிழா, குற்றாலநாதர் கோயில், மாறுபட்ட வகையில் அமைந்துள்ள தேவாலயம், இஸ்லாமிய இறைத் தூதர் இப்றாஹிம் ஆகிய கட்டுரைகளும் இடம்பெற்றுள்ளன. சினிமா பகுதியில் நடிகர் திலகம் சிவாஜியின் அறியப்படாத பயணம், திரைத் துறையில் ரஜினிகாந்தின் 45 ஆண்டுப் பயணம், கமல்ஹாசனின் 60 ஆண்டுப் பயணம் என முன்னணி நாயகர்களின் பயணங்களைப் பற்றி தனித்தனி கட்டுரைகள் அலசுகின்றன. தமிழகத்திலும் இந்தியாவிலும் எண்ணற்ற பழங்குடிகள் வாழ்ந்தாலும், அவர்களுடைய வாழ்க்கை, பண்பாடு, பாரம்பரிய அறிவு குறித்து நாம் அறிந்தது சொற்பமே. பழங்குடிகளின் வாழ்க்கை மீது வெளிச்சம் பாய்ச்சுகின்றன, பழங்குடிகளைக் குறித்த சிறப்புக் கட்டுரைகள். பழங்குடிகள் ஆய்வாளர் பகத் சிங்கின் கட்டுரை, தமிழகத்தின் முக்கியப் பழங்குடிகளான காணிகள், முதுவர் ஆகியோரைப் பற்றிய நேரடி அனுபவங்கள், மிசோரம் பழங்குடிகள், கர்னாக் நாடோடிகள், இந்தியாவில் வாழும் ஆப்பிரிக்கப் பழங்குடிகள் என நாட்டின் மற்ற பகுதிகளில் வாழும் பழங்குடிகள் பற்றிய சித்திரங்களும் இப்பகுதியில் உண்டு. சமீப காலமாக கவனம் பெற்றுவரும் சுற்றுச்சூழல் துறை சார்ந்தும் ஒரு பகுதி இந்த மலரில் இடம்பெற்றுள்ளது. இளம் ஒளிப்படக் கலைஞர் ராம்நாத் சந்திரசேகரின் காடு குறித்த ஒளிப்படத் தொகுப்பு, பேராசிரியர் வறீதையா கான்ஸ்தந்தின்னின் கடல் மீன்கள் குறித்த கட்டுரை, பறவைகள் குறித்த கவிஞர் ஆசையின் கட்டுரை ஆகியவை இந்தப் பகுதியை அலங்கரிக்கின்றன. இந்தக் கட்டுரைகளும் சித்திரங்களும் மேம்பட்ட வாசிப்பு அனுபவத்தைத் தரும் என்று நம்புகிறோம்.

₹ 90.00 ₹ 120.00 Save ₹ 30

தீபாவளி மலர் – 2020

கரோனா வைரஸ் எத்தனையோ சிக்கல்களைக் கொண்டுவந்திருந்தாலும், நிறைய நல்ல விஷயங்களையும் சேர்த்தே கொண்டுவந்திருக்கிறது. அவற்றைப் பற்றி ஒரு அலசல் கரோனா வைரஸ் காலத்தில் சென்னையின் அடையாளமாகத் திகழும் பகுதிகளின் காட்சித்தொகுப்பு. இதே காலத்தில் திருநெல்வேலி மாவட்ட கரகாட்டக் கலைஞர்களின் மாறுபட்ட ஒளிப்படத் தொகுப்பு. கரோனா காலத்தில் வானவெளியில் இயற்கை தீட்டிய ஓவியங்கள் குறித்த காட்சித்தொகுப்பு என பல்வேறு ஒளிப்படத் தொகுப்புகள் புதுமைக் காட்சி அனுபவங்களைத் தரும். என்ன இருந்தால் தீபாவளி சிறக்கும் - கர்னாடக இசைப் பாடகி சுதா ரகுநாதன், நாடகக் கலைஞர் கிரேசி பாலாஜி, ஐ.ஏ.எஸ். தேர்வில் தேர்ச்சி பெற்ற பார்வைத் திறனற்ற பூரணசுந்தரி கூறுகிறார்கள். ஆன்மிகப் பகுதியில் வழக்கமான கட்டுரைகளுடன் வீரமாமுனிவர் வாழ்ந்த ஏலாக்குறிச்சி, மலையாள முஸ்லிம்களின் மாப்பிள்ளைப் பாட்டு சினிமாவுக்குப் போன எழுத்தாளர்கள்- பிரபல எழுத்தாளர்கள் சுபா, வேல.ராமமூர்த்தி, ராஜு முருகன், குட்டி ரேவதி, திருப்பூர் கிருஷ்ணன் ஆகியோரின் அனுபவங்களைப் பகிர்ந்துகொள்ளும் சிறப்பு கட்டுரைகள் சிவாஜி, ரஜினி-கமல், தனுஷ்-விஜய் சேதுபதி - நடிப்புத்திறன் பற்றி மாறுபட்ட கட்டுரைகள். அத்துடன் எஸ்.பி.பியின் திகட்டாத 50 பாடல்கள், இயக்குநர் மகேந்திரனின் திரைப்படங்களில் இளையராஜாவின் இசை என திரையிசைப் பற்றிப் பேசும் கட்டுரைகளும் உண்டு. புதுமைப்பித்தன், கு. அழகிரிசாமி, கு.ப. ராஜகோபாலன், லா.ச. ராமாமிர்தம், விந்தன், இலட்சுமண பெருமாள் என ஆறு பேரின் கதைகள், வேளாண்மை, தெருக்கூத்து, ஓவியங்கள், சாமுத்ரிகா லட்சணம் கட்டுரைகள் மற்றும் பல சிறப்பு அம்சங்கள் இடம்பெற்றுள்ளன.

₹ 94.00 ₹ 125.00 Save ₹ 31

பொங்கல் மலர் 2020

மண்ணின் பெருமை கண்ணில் ஜொலிக்க ... ஒரு வாசிப்பு விருந்து

₹ 109.00 ₹ 145.00 Save ₹ 36

என்றும் காந்தி

‘இப்படி ஒரு மனிதர் பூமியில் ரத்தமும் சதையுடனும் வாழ்ந்தார் என்று ஆயிரம் ஆண்டுகளுக்குப் பிறகு வரும் தலைமுறைகளுக்குச் சொன்னால் நம்ப மாட்டார்கள்’ என்று மகாத்மா காந்தியைப் பற்றி அறிவியலாளர் ஐன்ஸ்டைன் கூறினார். அப்படிப்பட்ட மகாத்மா காந்தியின் வாழ்க்கைச் செய்தி

₹ 280.00

சித்திரை மலர் 2019

தபால் செலவு இலவசம்!

₹ 120.00

எங்கு செல்கிறோம்? - பி.ஏ.கிருஷ்ணன்.

கொந்தளிப்பான காலகட்டத்தில் காஷ்மீருக்குப் பயணம் மேற்கொண்டு, அங்கு உள்ள மக்களைப் பற்றிய ஆழமான புரிதலை ‘காஷ்மீரில் ஒரு வாரம்’ தொடரின் மூலம் இங்குள்ளவர்களுக்கு ஏற்படுத்தினார் பி.ஏ.கிருஷ்ணன்.

₹ 140.00

சித்திரை மலர் - 2018 (Delivered through Agents)

சித்திரைத் திருநாளுக்கும் மலர் கொண்டு வருவது ‘தி இந்து’ குழுமத்தின் தனிச் சிறப்பு. 'தி இந்து' குழுமத்தின் 'தமிழ் திசை' இந்த சித்திரைக்கு சிறப்பு சேர்க்க 'சித்திரை மலர் - 2018'யைக் கொண்டுவந்துள்ளது, இந்த மலருக்கென்று தனி மணமும் குணமும் உண்டு

₹ 120.00

இதுதான் நான்

‘இதுதான் நான்’ இக்கட்டுரையில் பிரபுதேவாவின் மனதின் உயரம் தெரிகிறது. சினிமா பிரபலம் என்பதையும் தாண்டி, தன்னம்பிக்கை விதையை இளையவர்கள் நெஞ்சங்களில் விதைக்கும் இக்கட்டுரைத் தொடர், புத்தக வடிவம் பெறுகிறது.

₹ 250.00

புதிய கல்விக் கொள்கை

புதிய கல்விக் கொள்கை வரைவு அறிக்கையின் அத்தனை பக்கங்களையும் ஒவ்வொருவரும் படித்தறிய இயலுமா என்றால், அதுவும் கேள்விக்குறிதான். அப்படிப்பட்ட கேள்விக்குறிக்கான பதிலை, தனது கருத்து ஏரைக் கொண்டு வாசிப்போரின் சிந்தனையில் ஆழ உழுது விதைக்கிறார். கூடவே, ஒவ்வொரு பெற்றோரும் கடனே என்று இருந்துவிடாமல் தங்களின் பொறுப்பையும் உணர வைக்கிறார். எதிர்காலத்தில் உறுதிமிக்க தேக்குமரமாக வளரத்தான் போகிறது என்பதற்காக, சின்னஞ்சிறிய கன்றாக இருக்கும்போது அதன் மீது நாம் சுமைகளை வைப்போமா? கனமான ஆணிகளை அறைவோமா? அப்படித்தான் இருக்கிறது இந்த கல்விக் கொள்கை என்று தனது கருத்துரையை தெளிவாக்கி இருக்கிறார்

₹ 90.00

திறந்திடு சீஸேம்

தேடுதல்’ தான் மனிதனை முன்னேற்றத்துக்கு அழைத்துச் சென்றிருக்கிறது. அதிலும் பொக்கிஷங்கள், புதையல்கள் பற்றிய தேடுதல் ஆதி காலம் முதல் இன்று வரை மனிதர்களின் வாழ்க்கையைச் சுவாரசியப்படுத்திக்கொண்டே இருக்கின்றன. அதனால்தான் குழந்தைகளின் விளையாட்டில் கூட `புதையல் வேட்டை’ முக்கிய இடத்தைப் பிடித்திருக்கிறது. அபூர்வமான விலை மதிப்பு மிக்கக் கற்கள், அரிய நூல்கள், அரசர்கள், செல்வந்தர்கள் புதைத்து வைத்த நாணயங்கள், ஆபரணங்கள் என்று ஏராளமான பொக்கிஷங்கள் இந்தப் புத்தகத்தில் இடம்பெற்றுள்ளன. எழுத்தாளர் முகில் தனக்கே உரிய சுவாரசியமான விறுவிறுப்பான நடையில் பொக்கிஷங்களின் வரலாற்றை எழுதியிருக்கிறார். `திறந்திடு சீஸேம்’ என்று சொன்னவுடன் மந்திரக்குகை திறந்து ஏராளமான செல்வத்தை அள்ளிக் கொடுப்பதுபோல், இந்தப் புத்தகமும் உங்களுக்கு ஆச்சரியத்தை அள்ளி வழங்கக் காத்திருக்கிறது!

₹ 150.00

தொழில் முன்னோடிகள்! -எஸ்.எல்.வி.மூர்த்தி

முப்பது நாட்களில் நீங்களும் தொழில்முனைவோர் ஆகலாம்` என்று சொல்லி எவரையும், எந்த தொழிலிலாவது சட்டென்று தள்ளிவிட முடியாது. அது ஒரு நெருப்பு... மெல்ல பொறி கிளம்பி கங்காகப் பழுத்து சட சடத்து பற்றி எரிய வேண்டும். அந்த பொறியை உருவாக்குவது யார்? எது? எந்த கணம்?

₹ 120.00

நேர்முகம் கவனம்

எழுத்துத் தேர்வில் உயரிய மதிப்பெண் குவிக்கும் பலர் சறுக்கி விழுவது நேர்முகத் தேர்வில்தான். இந்த சோகம், வழக்கமான அலுவலகப் பணிவாய்ப்பு முதல் குடிமைப் பணிவரை பொருந்தும். ஏனென்றால், நேர்முகத் தேர்வை அணுகுவதற்கான பாடத்திட்டம் எந்த பல்கலைக்கழகத்திலும் கிடையாது. இதற்கென குறுக்குவழியோ சூத்திரங்களோ கிடையாது. ஆனால், நேர்முகத் தேர்வில் வெற்றி பெற பல நுட்பங்கள் உள்ளன. அதன் அடிப்படையில்தான் தேர்வாளர்கள் நேர்முகத் தேர்வை நடத்தித் தங்களுக்கு தேவையான ஊழியர்களைத் தேர்வு செய்கிறார்கள். இத்தகைய நுட்பங்களை நுணுக்கமாக விளக்கும் புத்தகம்தான், ‘நேர்முகம்-கவனம்’.

₹ 140.00

தொழில் தொடங்கலாம் வாங்க! - டாக்டர் ஆர்.கார்த்திகேயன்

முதலீட்டுக்குப் பணம் இருந்திருந்தால் பிரமாதமாகத் தொழில் தொடங்கி இருக்கலாம், கைவசம் இருக்கும் அருமையான ஐடியாவுக்கு சரியான முதலீட்டாளர்..

₹ 150.00

கற்பிதம் அல்ல பெருமிதம்

பெண்கள் அனைத்துத் துறைகளிலும் தடம் பதிக்கத் தொடங்கிவிட்ட பிறகும் இது ஆண்களின் உலகமாகவே இருக்கிறது. பிறப்பு முதல் இறப்பு வரை அனைத்திலுமே ஆண்களை முன்னிலைப்படுத்தும் சமூகத்திலேயே நாம் இருக்கிறோம். விதிவிலக்குகளாகச் சில இருக்கலாம். ஆனால், சமூகத்தில் அனைத்துப் பெண்களுக்கும் சமத்துவமும் சம உரிமையும் கிடைத்துவிட்டனவா? இந்தக் கேள்விக்கு விடைசொல்லும் வகையில் விளைந்ததுதான் இந்த நூல். இந்த நூல் பெண்களின் உரிமைகளைப் பேசினாலும் பெண்களுக்கானது மட்டுமல்ல; ஆண்களுக்கானதும்தான். காரணம் பெண்ணுரிமையைப் பற்றிப் பெண்களுடன் ஆண்களும் தெரிந்துகொண்டால்தான் சமத்துவச் சமுதாயம் அமையும். அப்படியொரு மாற்றத்தை நோக்கி இந்த நூல் நிச்சயம் உங்களை அழைத்துச் செல்லும்.

₹ 200.00

காதல் வழிச் சாலை! - டாக்டர் எஸ்.மோகன வெங்கடாசலபதி

ஒரு ஆணுக்கும் பெண்ணுக்கும் காதலாகிக் கசிந்துருக எந்த வழிகாட்டியும் தேவையில்லை. இயற்கையே அந்த வேதிவினைகளை நிகழ்த்திவிடுகின்றது. ஆனால், நாம் அறிந்து கொள்ள வேண்டியது…

₹ 160.00

தொட்டனைத்து ஊறும் அமிழ்தம்

இயற்கை வேளாண்மை செய்ய விழைபவர்களுக்கு உதவுவதற்காகவே இந்த நூல் உருவாகியிருக்கிறது. மிகவும் விரிவாகவும் படிப்படியாகவும் இயற்கை வேளாண் முறைகள் இந்த நூலில் தெளிவாக விளக்கப்பட்டுள்ளன. வெறும் நடைமுறைக் கையேடாக மட்டுமில்லாமல், ஏன் இந்த முறைகளை பயன்படுத்த வேண்டும் என்ற பின்னணி குறித்தும் இந்த நூல் விளக்கியுள்ளது. இயற்கை வேளாண்மைத் துறையில் நெடிய அனுபவம் பெற்றவரும் சிறந்த சூழலியல் எழுத்தாளருமான பாமயன் இந்த நூலை எழுதியுள்ளார். இன்றைய காலகட்டத்தில், இப்படி ஒரு நூலை எழுத அவரைவிட வேறு யாரும் இவ்வளவு பொருத்தமாக இருக்கமாட்டார்கள்.

₹ 190.00

ஜி.எஸ்.டி. ஒரு வணிகனின் பார்வையில்...! - எஸ்.இரத்தினவேல்

பொதுவாக பட்ஜெட் தாக்கல் செய்யப்படும்போதுதான் வரி பற்றிய சிந்தனை மற்றும் பேச்சு மக்களிடையே மேலோங்கியிருக்கும்.

₹ 100.00

காவிரி அரசியல்

₹ 225.00

பன்முக அறிவுத் திறன்கள்

₹ 150.00

மொழி பிரிக்காத உணர்வு! எஸ்.எஸ். வாசன்

எளிய கவிதைகளாக வரிகளை எழுதும் பாடலாசிரியரும் வரிகளின் பொருளை வருடிக் கொடுக்கும் விதமாக இசையமைக்கும் இசையமைப்பாளரும் இணைந்து பணியாற்றும்போது, தலைமுறைகள் கடந்து ரசிக்கப்படும் பாடல்கள் பிறந்து விடுகின்றன.

₹ 150.00

உடல் எனும் இயந்திரம்

30 ஆண்டுகளுக்கும் மேலாக மருத்துவ அறிவியலை எளிய தமிழில் பரவலாக எடுத்துச் சென்றுகொண்டிருக்கும் பெருமைக்குரியவர் இவர். அழகு தமிழில் வெளிவரும் இந்த அறிவியல் புத்தகம் மாணவர், ஆசிரியர், பெற்றோர் என அனைவருக்கும் ஓர் ஆதார நூலாகப் பயன்படும்.

₹ 150.00

புண்ணியம் தேடுவோமே..!

வழிபாட்டுத் தலங்களைப் பற்றி விரிவாக ‘புண்ணியம் தேடுவோமே..!’ என்ற இந்த நூலில் விளக்கியுள்ளார் முன்னூர் ரமேஷ்.

₹ 170.00

கடலம்மா பேசுறங் கண்ணு! -வறீதையா கான்ஸ்தந்தின்

தமிழகத்திலும் இந்தியாவிலும் மீனவ மக்கள் குறித்த கவனம் மிகக் குறைவாகவே இருக்கிறது. தமிழகக் கடற்கரையெங்கும் விரவியுள்ள மீனவர்கள் அரசியல்வாதிகளால் கண்டுகொள்ளப்படாமல் இருப்பது ஒருபுறம்.

₹ 150.00

தேரிக்காட்டு ஜமீன்களின் வரலாறு

நல்ல கதைசொல்லி ஒருவரோடு (நூலாசிரியர்) நாம் வாழ்ந்து கொண்டிருக்கிறோம் என்பதை இந்த நூலை வாசிக்கும்போது நாம் உணர்வோம். இவரின் இயல்பான வட்டார மொழி வனப்பு, இந்த வரலாறுகளை நம்ம பாட்டிமாரே பக்கத்திலிருந்து நமக்குச் சொல்வது போல் உணர்வது இன்னுமொரு சிறப்பு.

₹ 170.00

மாணவர்களுக்கு சூரிய நமஸ்காரம் ஏன்? எப்படி?

யோகா, சூரிய நமஸ்காரம் பற்றிய அறிமுகம், இதுகுறித்த நிபுணர்களின் அனுபவங்கள், வெவ்வேறு பள்ளிகள் வழங்கும் பயிற்சி முறைகள், சுவாசப் பயிற்சிகள், அவற்றால் கிடைக்கும் பயன்கள், பொதுவாக ஏற்படக்கூடிய சந்தேகங்களுக்கு ‘கேள்வி - பதில்’ வடிவில் விளக்கங்கள் என மிகத் தெளிவாக, எளிமையான கூறியிருக்கிறார். இன்றைய மாணவர்களுக்கு யோகா, சூரிய நமஸ்காரம் எந்த வகையில் ஏற்றதாக இருக்கும் என்பதையும் தெளிவுபடுத்தியுள்ளார்.

₹ 100.00

நலம் தரும் நான்கெழுத்து

இன்றைய வாழ்க்கை அவசர கோலமாகிவிட்டது. உலகில் பலரது வாழ்க்கை, ஓட்டத்துக்கு இடையேதான் நகர்ந்துகொண்டிருக்கிறது. இதற்கிடையே சிக்கிக்கொண்டு நம் உடல் படாத பாடு படுகிறது. நோய்கள் பெருகுகின்றன. அதற்கு மருத்துவர்களைப் பார்க்கிறோம், சிகிச்சையும் எடுத்துக்கொள்கிறோம்.

₹ 120.00