நடைவழி நினைவுகள்

Format: Print

Author: சி.மோகன்

Publisher: தமிழ் திசை

தமிழின் முதன்மையான எழுத்தாளர்கள் 16 பேர், கலை சார்ந்த ஆளுமைகளாகவும், அவரவர்களுக்கே உரிய பிரத்யேகக் குணங்களோடும் இந்த நூலில் வெளிப்பட்டுள்ளார்கள். ஒரு வாசகரோடு அந்த ஆளுமைகள் கிட்டத்தட்ட நெருங்கிக் கைகுலுக்கும் அனுபவத்தைக் கொடுக்கும் நூல் இது. தமிழ் நவீன இலக்கிய வரலாற்றை எழுதப்போகும் ஒரு ஆய்வாளருக்கு முன்னோடி நூலும்கூட. தமிழின் முன்னோடிப் படைப்பாளிகளின் புகைப்படங்கள், வாழ்க்கைக் குறிப்புகள் தொகுக்கப்படுவது சமீபகாலம் வரை தமிழ்ச் சமூகத்தில் உணரப்படாத பின்னணியில் ‘நடைவழி நினைவுகள்’ நூல் தமிழில் ஒரு சாதனை.

Related Books

பாபாசாகேப் அம்பேத்கர்

75-வது சுதந்திர தினத்தைக் கொண்டாடும் இந்த தருணத்தில், நவீன இந்திய வரலாற்றை புரட்டும்போது அம்பேத்கரின் பெயர் இல்லாத அத்தியாயங்களே இல்லை என்று சொல்லும் அளவுக்கு அவரது பங்களிப்புகள் அனைத்து தளங்களிலும் பரந்து விரிந்திருக்கின்றன. சுதந்திரம், சமத்துவம், சகோதரத்துவம், நீதி, ஜனநாயகம் ஆகிய விழுமியங்களின் மீது அவர் கட்டியெழுப்பிய அரசியலமைப்பு சட்டமே அனைத்து மக்களையும் மிகவும் மாண்புடன் வழிநடத்துகிறது. பிரதமர் நரேந்திர மோடி, “நான் பிரதமர் ஆனதற்கு அம்பேத்கரே காரணம்'' என சில ஆண்டுகளுக்கு முன் நன்றியுடன் நினைவுகூர்ந்தார். காங்கிரஸ், இடதுசாரி உட்பட பிற கட்சிகளின் தலைவர்களும் அம்பேத்கரை முன்வைத்து பேசுவதை அவ்வப்போது காண முடிகிறது. மத்திய மாநில அரசுகளும் அரசியல் கட்சிகளும் அம்பேத்கரின் பெயரில் நிறைய நலத் திட்டங்களையும், விழாக்களையும் அதிகளவில் முன்னெடுக்கின்றன.

₹ 220.00 Save ₹ 22

சமயம் வளர்த்த சான்றோர்

மகான்களின் வழியைப் பின்பற்றி, தூய மனதுடன், நாம் இறைவனை சிக்கெனப் பிடித்து, அவனை நோக்கி பயணிக்க வேண்டும். மகான்களின் வழியில் நடந்து, அவர்களது பெருமைகளை உணர்ந்து கொண்டால், அவர்களின் நடத்தை போன்றே நமது நடத்தையும் அமைந்துவிடும். மனிதரின் வாழ்க்கைப் பயணத்துக்கு உரிய விதிகளாக மகான்களின் வாக்கும் வாழ்வும் விளங்குகின்றன. அவர்களிடம் இருந்து கிடைக்கக் கூடிய படிப்பினைகள், நமது வாழ்வை சிறப்பாக்கும். சூரியன் பகலில் இருளைப் போக்குகிறார். தீபம் இரவில் இருளைப் போக்குகிறது. அதுபோல மகான்கள் இரவிலும் பகலிலும் நம் அஞ்ஞான இருளைப் போக்குகின்றனர். சூரியன் உப்புக் கடலில் இருந்து உப்பு நீரை எடுத்து, மேகத்தில் வைத்து, நன்னீராக மாற்றி மழையை பெய்விக்கிறார். மகான்கள், கடல் போன்ற நம் சம்பிரதாயங்களில் இருந்து, நமக்குப் புரியாத விஷயங்களை எடுத்துக் கூறி நம்மை தெளிவடையச் செய்கின்றனர். மேகங்கள் மழை பொழிந்து, பள்ளங்களை நிரப்புகின்றன. மகான்கள் குணத்தில் தாழ்ந்தோரை ஞானத்தால் நிரப்புகிறார். மகான்களை வணங்கி, அவர்களின் பொன்மொழிகளைக் கேட்க முயற்சித்தால், நாம் மெய்ஞானம் பெறுவது உறுதி. அருணோதயத்துக்குப் பிறகு சூர்யோதயம் ஏற்படுவதுபோல் மெய்ஞானம் கிடைக்கப் பெற்றதும், அவை சத்வ குணங்களாகவும், பக்தியாகவும், வைராக்கியமாகவும் மலர்ந்து நமக்கு மோட்சத்தை அளிக்கும். ஒரு மகான்/ஆச்சாரியர்/குருநாதரை அண்டி வாழ்பவரின் வாழ்க்கை தூய்மை உடையதாக இருக்கும். அவர் திருவடிகளின் கீழ் மெய்ஞானம் பெற்றால், இறைவன் நம்மை ஏற்கிறார். குருநாதரை அண்டாத நம் வாழ்க்கை, இறைவனை மதியாத வாழ்க்கையாகி விடுகிறது. குகனோடு ஐவரானோம் என்று ராமபிரான் கூறினாலும், குகன் தந்த பழங்களை அவர் ஏற்கவில்லை. ஆனால் சபரி தந்த பழங்களை ஏற்றார். காரணம், சபரி ஓர் ஆச்சாரியரை சரணடைந்து தூய வாழ்க்கை வாழ்ந்தவள். ஆனால் குகன் அவ்வாறு ஏற்றம் பெறவில்லை. திருக்கச்சி நம்பிகள், காஞ்சி தேவப்பெருமானுக்கு ஆலவட்ட கைங்கர்யம் செய்து வந்தார். தனக்குள்ள சந்தேகங்களை தேவப்பெருமானிடம், திருக்கச்சி நம்பிகள், கேட்கும்போது, ‘தனக்கு மோட்சம் உண்டா?’ என்று வினவுகிறார். அப்போது பெருமாள், ‘ஆச்சாரியரை சரண் அடைந்தவருக்கே மோட்சம்’ என்று பதிலளிக்கிறார். உடனே திருக்கச்சி நம்பிகள் ஸ்ரீரங்கம் எழுந்தருளி, அங்கு ஆச்சாரியர்களை சரணடைந்தார்.

தீபாவளி மலர் – 2022 (முன் பதிவு சிறப்பு சலுகை – கூரியர் செலவு)

இந்து தமிழ் தீபாவளி மலர் 2022 இந்து தமிழ் தீபாவளி மலர் 2022இன் சிறப்பம்சமாக பிரபல எழுத்தாளர் பாரததேவியின் தீபாவளி குறித்த கதை, பனை பொருட்களால் உருவான சிறப்பு தீபாவளி உணவு வகைகளின் செய்முறை, காசியின் சிறப்புமிக்க தேவ் தீபாவளி குறித்து பிரபல ஒளிப்படக் கலைஞர் மணிவண்ணனின் ஒளிஓவியக் கவிதை ஆகிய பகுதிகள் இடம்பெற்றுள்ளன. வரலாறுக் கதைகள் நிஜத்தைவிட எப்போதுமே சுவாரசியமானவை. ‘பொன்னியின் செல்வன்’ திரைப்படம் வெளியாகவுள்ள நிலையில் சோழர்கள், வரலாறு குறித்த ஆர்வம் தமிழ்நாட்டில் அதிகரித்துள்ளது. அந்த வகையில் சோழர்கள், காவிரி, தஞ்சை குறித்த பல்வேறு கட்டுரைகள் இடம்பெற்றுள்ளன. தஞ்சை பெரிய கோயிலின் கலைச் சிறப்புகள், தனித்தன்மைகள் குறித்து வரலாற்று ஆய்வாளர்கள் அர. அகிலா, கோமகன் ஆகியோர் விரிவான கட்டுரைகளை எழுதியிருக்கிறார்கள். பெரிய கோயிலின் ஓவியச் சிறப்புகள் குறித்து பிரபல வரலாற்று ஆய்வாளர் இரா. கலைக்கோவன் எழுதியிருக்கிறார். தஞ்சையின் வரலாற்றைப் பின்தொடர்ந்து பல்வேறு அரசர்களைப் பற்றி ஆராய்கிறது எஸ். ராஜகுமாரனின் கட்டுரை. கல்கி பிறந்த புத்தமங்கலத்துக்கே சென்று, அவர் வாழ்ந்த வீட்டை படம்பிடித்துள்ளார் எஸ். சந்திரமௌலி. ஆன்மிகப் பகுதியில் எஸ். சுந்தரராமன் தமிழ்நாட்டின் பிரபல ஆறு அம்மன்களைக் குறித்து விரிவான, வழிகாட்டும் குறிப்புகளோடு கட்டுரைகளை எழுதியிருக்கிறார். கிறிஸ்தவ சமயத்தில் மாலையம்மன் என்கிற பெண் தெய்வத்தைக் குறித்து நிவேதிதா லூயிஸும், இஸ்லாம் குறித்து ரமீஸ் பிலாலியும் எழுதியிருக்கிறார்கள். ஆஸ்கர் நாயகன் ஏ.ஆர்.ரஹ்மான் திரைத்துறைக்கு வந்து 30 ஆண்டுகள் ஆகிவிட்டதைப் பேசுகிறது சினிமாப் பகுதி கட்டுரை. தமிழ் சினிமாவில் கடந்த நூற்றாண்டில் இல்லாத வகையில், கடந்த 20 ஆண்டுகளில் பல நாயகிகள் நீண்ட காலத்துக்கு நாயகிகளாகவே நடித்துவரும் போக்கு அதிகரித்திருக்கிறது. அந்த நாயகிகளின் தனித்தன்மையை ஆராய்கிறது ஒரு கட்டுரை. 80-களின் எல்லா பிரபலப் பாடல்களுமே இளையாராஜா இசையமைத்தவை என்று தவறாக நம்பப்பட்டுவரும் நிலையில், பல மறக்க முடியாத பாடல்களை இசையமைத்த சந்திரபோஸ் குறித்து கானா பிரபா எழுதியுள்ளார். இந்த தீபாவளி மலரில் நகைச்சுவை பகுதியும் களைகட்டியிருக்கிறது. தமிழின் பிரபல இயக்குநர்களின் டெம்பிளேட் தன்மைகள் குறித்து ஒரு பகுதியும், சமீபத்தில் வெளியான பிரபலத் திரைப்படங்களில் ‘வைகைப் புயல்’ வடிவேலு நடித்திருந்தால் எப்படியிருந்திருக்கும் என்று கற்பனையாக மற்றொரு பகுதியும் சிரிக்க வைக்கின்றன. மலைகளின் ராணி ஊட்டி உருவாகி 200 ஆண்டுகள் ஆகிவிட்ட நிலையில், ஊட்டி உருவான விதம் – அதற்கு அடித்தளமிட்ட ஜான் சல்லிவன் குறித்து ஒரு கட்டுரையில் தெரிந்துகொள்ளலாம். ஆலப்புழையில் கயாகிங் எனும் படகு பயணம், அருவிகள் நிறைந்த நெல்லியம்பதி எனக் கேரளத்தின் இரண்டு பகுதிகளுக்கு அழைத்துச் செல்கின்றன பயணம் பகுதிக் கட்டுரைகள். பிரபல சமையல் கலை நிபுணர் ராகேஷ் ரகுநாதனின் விரிவான பேட்டி, சென்னையின் முக்கிய சுற்றுலாத்தலங்களின் ஓவியங்கள் அடங்கிய ஒளிப்படக் கட்டுரை, ‘வேர்ல்டு பிரஸ் போட்டோ’ விருது பெற்ற ஒளிப்படக் கலைஞர் மதுரை செந்தில்குமரனின் ஒளிப்படப் பயணம், திருக்குறுங்குடி கோயில் சிற்பங்கள் பற்றி பிரபல ஓவியர் சந்ருவின் விவரிப்பு ஆகியவை இடம்பெற்றுள்ளன. இவற்றுடன் பிரபல எழுத்தாளர்கள் ஜிஎஸ்எஸ், மாத்தளை சோமு, கமலாலயன், மோ. கணேசன், ஏக்நாத் ஆகியோரின் சிறப்புப் படைப்புகளும் இடம்பெற்றுள்ளன.

0
Help & Support